06.03.2026 | 10:24
Թրամփը հայտարարել է, որ ցանկանում է ամբողջությամբ հեռացնել Իրանի ղեկավարությանը և «լավ առաջնորդի» դերի համար թեկնածուներ ունի
Ադրբեջանը ՀԱՊԿ-ում ունի շատ ավելի ծանրակշիռ ներկայություն, քան Հայաստանը. Արման Բաբաջանյան. ՏԵՍԱՆՅՈՒԹ
Քաղաքականություն
05.09.2019 | 14:44
ՀՀ ԱԺ «Լուսավոր Հայաստան» խմբակցության պատգամավոր Արման Բաբաջանյանի համոզմամբ՝ Ադրբեջանը կարող է ստանալ ՀԱՊԿ-ում դիտորդի կամ գործընկերոջ կարգավիճակ, իսկ Հայատսանի կողմից անտարբերության և լռության պայմաններում վավերացվում է այդ կառույցի կանոնադրության մեջ ինչ-ինչ փոփոխություններ կատարելու վերաբերյալ արձանագրություն: Պատգամավորն այս մասին ասաց արտաքին հարաբերությունների խորհրդարանական հանձնաժողովի նիստում «2002 թվականի հոկտեմբերի 7-ի Հավաքական անվտանգության մասին պայմանագրի կազմակերպության կանոնադրությունում փոփոխություններ կատարելու մասին» երկրորդ արձանագրությունը վավերացնելու մասին հարցի քննարկման ժամանակ:
Նշենք, որ այս արձանագրությամբ կարգավորվում է ՀԱՊԿ-ի գործընկեր և դիտորդ պետության կարգավիճակի հարցը։
«ՀԱՊԿ-ը կազմակերպություն է, որում մեր հակառակորդ Ադրբեջանը, չլինելով կազմակերպության անդամ պետություն, ունի շատ ավելի ծանրակշիռ ներկայություն, քան մենք՝ ՀԱՊԿ լիիրավ անդամ Հայաստանը։ Այդ ներկայությունն ապահովում են ՀԱՊԿ անդամ Բելառուսը, Ղազախստանը, կախված իրավիճակից՝ նաև Ռուսաստանը: ՀԱՊԿ-ում մեր միակ դաշնակիցը Ռուսաստանն է, որն իր դաշնակցային պարտավորությունները կատարում է՝ ելնելով տվյալ պահի քաղաքական և աշխարհաքաղաքական կոնյուկտուրայից»,- հայտարարեց Արման Բաբաջանյանը:
Աղավնի Սուքիասյան
