06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Մարտի 1-ի ժամանակ զոհվածների ընտանիքներին հիմա աջակցում ենք․ փոխհատուցման չափը կքննարկվի ՄԻԵԴ-ի որոշումներից հետո․ Փաշինյան. ՏԵՍԱՆՅՈՒԹ
Քաղաքականություն
05.09.2019 | 12:03
2008 թ. մարտի 1-2-ին Երևան քաղաքում տեղի ունեցած իրադարձությունների ժամանակ զոհված քաղաքացիների ընտանիքների անդամներին և տարբեր աստիճանի վնասվածքներ ստացած քաղաքացիներին աջակցություն տրամադրելու համար պետական բյուջեից կհատկացվի 720 միլիոն դրամ:
Համապատասխան որոշման նախագիծն ընդունվեց այսօր՝ Կառավարության սեպտեմբերի 5-ի նիստի ընթացքում։
Նախագծի վերաբերյալ վարչապետ Նիկոլ Փաշինյանն ընդգծեց, որ խոսքը գնում է աջակցության և ոչ թե փոխհատուցման մասին։ Ըստ Կառավարության ղեկավարի՝ փոխհատուցման չափի մասին հարցը Կառավարությունը կքննարկի ՄԻԵԴ-ի կողմից կայացված որոշումներից հետո։
«Հայտնի փաստ է, ես ինքս էլ առնչություն ունեմ մարտի 1-2 իրադարձությունների հետ, շատ կարևոր է, որ այս հարցով որոշումները կայացվեն մաքսիմալ օբյեկտիվ, իսկ քանի որ մենք չգիտենք ՄԻԵԴ-ը երբ կկայացնի որոշումներ և որպեսզի չստացվի, որ Կառավարությունը որևէ աջակցություն չի հատկացնում, մենք այս որոշումը հիմա կընդունենք, իսկ փոխհատուցման չափը վերջնականապես կլուծենք ՄԻԵԴ-ի որոշումներից հետո»,- ընդգծեց վարչապետը՝ Կառավարության այսօրվա ընդունած որոշումը համարելով միջանկյալ։
Մանրամասները՝ տեսանյութում։
Աղավնի Սուքիասյան
