27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ինչ փոփոխություններ են առաջարկվում օրենքում՝ մերսման սրահների, սաունաների, դիսկոտեկների ու կարաոկեների համար․ ՏԵՍԱՆՅՈՒԹ
Քաղաքականություն
04.09.2019 | 14:28
Ազգային ժողովի «Իմ քայլը» խմբակցության պատգամավոր Հովհաննես Հովհաննիսյանն ու «Բարգավաճ Հայաստան» խմբակցության պատգամավոր Սերգեյ Բագրատյանը ներկայացրել են օրենսդրական նախաձեռնություն՝ առաջարկելով փոփոխություն կատարել Հարկային օրենսգրքում։ Ըստ այդ փոփոխության՝ նախատեսվում է կարաոկեն, դիսկոտեկը, հեստապարային (ստրիպտիզ) ակումբը, բաղնիքը, շոգեբաղնիքը, սաունան, մերսման սրահը սահմանել որպես սահմանափակման ենթակա ծառայության օբյեկտ։
Ըստ առաջարկվող փոփոխության՝ կարգելվի մերսման սրահների տեղակայումը բազմաբնակարան շենքի բնակելի և (կամ) ոչ բնակելի տարածքում, ինչպես նաև կրթական ու պատմամշակութային հաստատությունների, պետական ու տեղական ինքնակառավարման մարմինների վարչական շենքերի, բժշկական հաստատությունների տարածքներում:
Մեկ այլ փոփոխությամբ՝ համայնքի ավագանին կսահմանի մերսման սրահի տեղակայում, այսինքն` ներկայացվող պահանջները: Մերսման սրահների գործունեության թույլտվությունը տրամադրելու իրավունքը կվերապահվի համայնքի ղեկավարին, իսկ Երևան քաղաքում` Երևանի քաղաքապետին:
Կառավարությունը ներկայացրել է որոշակի առարկություններ և առաջարկում է պատգամավորների ներկայացրած նախագիծը լրամշակել։
Մանարամասները՝ տեսանյութում։
