06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Այս ամենի կազմակերպիչը Արմեն Մուրադյանն է. Արսեն Թորոսյանը պարզաբանում է այսօրվա միջադեպը. ՏԵՍԱՆՅՈՒԹ
Քաղաքականություն
03.09.2019 | 16:51
Առողջապահության նախարար Արսեն Թորոսյանը, այսօրվա չկայացած ասուլիսից հետո, իր ֆեյսբուքյան էջում ուղիղ եթերով անդրադարձել է ինչպես ասուլիսի խափանմանը, այնպես էլ Ուռուցքաբանության կենտրոնի տնօրենի պաշտոնից Արմեն Տանանյանի ազատման հետ կապված հարցերին։
Նա, մասնավորապես, հայտարարել է, որ այսօրվա ասուլիսին ներկայացած արյունաբան, Ռ.Հ. Յոլյանի անվ. Արյունաբանական կենտրոնի Մանկական քաղցկեղի և արյան հիվանդությունների կենտրոնի ղեկավար Գեւորգ Թամամյանը, ում հետ արդեն տեւական ժամանակ է, ինչ ունեն հեռակա բանավեճ եւ ակնհայտ լարվածություն, գործում է ոչ թե սեփական նախաձեռնությամբ, այլ նրա հետեւում կանգնած է ԵՊԲՀ ռեկտոր Արմեն Մուրադյանը։
«Էս թատերականացված միջոցառումները Թամամյանի նախաձեռնությունը չեն, այլ կազմակերպված են ԵՊԲՀ ռեկտորի Արմեն մուրադյանի կողմից, ով իր պաշտոնը նվեր է ստացել նախկին իշխանությունների կողմից եւ շատ սարսափած է, որ կարող է այն կորցնել։ Լինելով ժամանակին տարբեր հետաքրքիր ընտանիքիների քավոր եւ հայտնի մարդկանց ընկեր, նա աստիճանաբար բարձրացել է իր կարիերային սանդղակով, հիմա բժշկական համալսարանի ռեկտոր է եւ կարծում է, որ մենք շատ մեծ վտանգ ենք ներկայացնում իր պաշտոնավարման համար»,- ասել է նախարարը՝ հավելելով․ «Մի շոու, մի տնօրենի ազատում, եւ մենք հստակ քայլերով առաջ կգնանք» ։
