09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
«Դու»-ի չանցնեք. սարքել եք «Մանուշակ» մանկապարտեզ. թեժ վիճաբանություն պետաիրավականի նիստին. ՏԵՍԱՆՅՈՒԹ
Քաղաքականություն
03.09.2019 | 15:40
Ազգային ժողովի պետաիրավական հարցերի մշտական հանձնաժողովի նիստում թեժ վիճաբանություն տեղի ունեցավ իշխանական պատգամավոր, պետաիրավական հարցերի մշտական հանձնաժողովի անդամ Սուրեն Գրիգորյանի և «Լուսավոր Հայաստան» խմբակցության ղեկավար Էդմոն Մարուքյանի միջև։
Ամեն ինչ սկսվեց այն բանից հետո, երբ ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը արդարադատության նորանշանակ փոխնախարարին հարց ուղղելուց առաջ փորձեց ճշտել նրա ով լինելը։ «Ո՞վ եք դուք»,- հետաքրքրվեց Մարուքյանը, ապա հարցը հնչեցրեց։
Նշենք, որ «Լուսավոր Հայաստան» խմբակցությունն առաջարկում է փոփոխություններ կատարել «ԱԺ կանոնակարգ» սահմանադրական օրենքում, ինչի կապակցությամբ կառավարության տեսակետը հայտնեց արդարադատության նորանշանակ փոխնախարար Ռաֆֆիկ Գրիգորյանը։
Մարուքյանի հարցին կոշտ արձագանքեց իշխանական պատգամավոր Սուրեն Գրիգորյանը. «Փոխնախարարին չեք ճանաչում և ասում եք՝ խորհրդարանական վերահսկողություն իրականացնենք, սենց լինո՞ւմ է»։
Իշխանական և ընդդիմադիր պատգամավորի միջև լեզվակռիվը շարունակվեց, հանձնաժողովի նախագահ Վլադիմիր Վարդանյանը հայտարարեց ընդմիջում։ «Սա արդեն «Մանուշակ» մանկապարտեզ է»,- շարունակեց Մարուքյանը։
Մանրամասները՝ տեսանյութում։
Շողիկ Գալստյան
