27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Միքայել Մելքումյանը՝ այսօրվա նիստից Բելառուսում և Ղազախստանում ՀՀ դեսպանների բացակայելու մասին․ ՏԵՍԱՆՅՈՒԹ
Քաղաքականություն
03.09.2019 | 12:49
Ազգային ժողովի Տարածաշրջանային և եվրասիական ինտեգրման հարցերի մշտական հանձնաժողովում այսօր մեկնարկեց «Եվրասիական և տարածաշրջանային ինտեգրման արդի հիմնախնդիրները» թեմայով քննարկում, որին պետք է մասնակցեին ԵՏՄ և տարածաշրջանի ( Իրան, Վրաստան, Չինաստան) ՀՀ արտակարգ և լիազոր դեսպանները։
Նիստը վարող հանձնաժողովի նախագահ Միքայել Մելքումյանը նշեց, որ թեև դեռևս հուլիսի 10-ին Արտաքին գործերի նախարարությանը նամակով հայտնել էր սեպտեմբերի 3-ին՝ այսօր, կայանալիք նիստի և դրան դեսպանների մասնակցության անհրաժեշտության մասին, սակայն այսօր նիստին ներկա չեն Բելառուսի Հանրապետությունում և Ղազախստանի Հանրապետությունում ՀՀ արտակարգ և լիազոր դեսպանները։
«Ես պլենար նիստերի ժամանակ արտգործնախարարին էլ հայտնեցի, որ էնպես ծրագրվի քննարկումը, որ բոլոր դեսպանները ներկա լինեն այսօրվա նիստին, սակայն պարզ դարձավ, որ խնդիրներ են ծագել։ Մենք դեմ չենք, խնդիրներ կարող են ծագել, բայց այդ պարագայում կարելի էր նիստը տեղափոխել այլ օր»,- ասաց Մելքումյանը՝ նշելով, որ նման հանդիպումներն ու քննարկումները լինելու են շարունակական։
Նիստին ներկա ԱԳ փոխնախարար Շավարշ Քոչարյանն էլ Բելառուսում ՀՀ դեսպանի հետ կապված նշեց, որ վերջինս մեկնել է Բելառուս, քանի որ այնտեղ պետք է մասնակցի շատ կարևոր քննարկման՝ խնդրելով բացակայությունը որպես անարգանք չընկալել։
Մանրամասները՝ տեսանյութում։
