10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Գլուխ ունին՝ կգովան․ այդ ո՞ւր առանց Գյումրու անեկդոտների պատը տեսնելու
Տեսանյութեր
22.09.2017 | 18:00
Ասում են՝ գյումրեցիները գլուխգովան են: Ի պատասխան՝ հնչում է. գլուխ ունինք` կգովանք:
Այս անգամ էլ որոշել են՝ անեկդոտներն ու սրամտություններն այնքան շատ են, որ պատրաստվում են 10 մետր երկարություն ունեցող անեկդոտների պատ կառուցել: Միտքն առաջացել է «Գյումրին մեր տունն է» երիտասարդական նախաձեռնության կողմից: Նախագիծը ֆինանսավորում են ՄԱԿ-ի բնակչության հիմնադրամն ու Գյումրու երիտասարդական նախաձեռնությունների կենտրոնը՝ երևանյան ՕՍՄ հիմնադրամի հատուկ Շիրակի մարզի համար հայտարարված 1000 դոլարին համարժեք դրամաշնորհների բաց մրցույթի շրջանակներում:
«Անեկդոտները պարբերաբար կենթարկվեն թեմատիկ փոփոխության, իսկ պատը պատրաստվելու է բարձրորակ նյութերով և այն կարող է ծառայել 5-10 տարի»,- ասում է «Գյումրին մեր տունն է» նախաձեռնության համահիմնադիր Արսեն Վարդանյանը։
Նա վստահեցնում է՝ անեկդոտների պատը լինելու է հետաքրքիր, կոլորիտային և միավորող վայր:
Մանրամասները՝ տեսանյութում:
Մարինե Խաչատրյան
