Երկնիշ տնտեսական աճ արձանագրելը ֆանտաստիկայի ժանրից չէ․ Փաշինյան. ՏԵՍԱՆՅՈՒԹ

Կառավարության օգոստոսի 29-ի նիստում վարչապետ Նիկոլ Փաշինյանն անդրադարձավ «Moody’s Investors Service» վարկանիշային կազմակերպության կողմից հրապարակված զեկույցին, ըստ որի, բարձրացել է Հայաստանի Հանրապետության կառավարության ազգային արժույթով և արտարժույթով գնանշված երկարաժամկետ թողարկողի և արտարժույթով գնանշված չապահովված արտոնյալ պարտքի վարկանիշները՝ «B1»-ից «B3»:

ՀՀ էկոնոմիկայի նախարար Տիգրան Խաչատրյանը նշեց, որ այս քայլով միջազգային ներդրողների մոտ ձևավորվում են սպասումներ՝ մեր երկրում տնտեսության զարգացման հեռանկարների վերաբերյալ։  «2015 և 2016 թվականներին Հայաստանի սուվերեն վարկանիշի իջեցվելուց հետո այս բարձրացումը վկայում է, որ վարվող տնտեսական քաղաքականությունը նշված հեղինակավոր կազմակերպության կողմից ընկալվել և որակվել է որպես դրական։ Այդ միտումների ֆոնին սպասումներ են ձևավորվել , որ առաջիկայում նույնպես զարգացման հեռանկարները կայուն են լինելու», – ասաց Տիգրան Խաչատրյանը՝ հավելելով, որ ներկա քաղաքականության առանցքում կառավարությունը կարևորում է վերականգնվող ռեսուրսների վրա մշակող արդյունաբերության առաջանցիկ աճը և մեծ ուշադրություն դարձնում մրցունակության բարձրացման հարցին։

Կառավարության ղեկավարն էլ հավելեց, որ փաստորեն երկնիշ տնտեսական աճ ապահովելը ֆանտաստիկայի ժանրից չէ և ՀՀ -ի վարկանիշի այս աճը վկայում է առավել ակտիվ աշխատանքի անհրաժեշտության մասին։

Մանրամասները՝ տեսանյութում:

Աղավնի Սուքիասյան