06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Հիշեցի, Դուք էն կինն եք, որ կոնդիցիոներ էիք խնդրել զարտուղի ճանապարհով. Մնացականյանը՝ բնակչին. ՏԵՍԱՆՅՈՒԹ
Հասարակություն
27.08.2019 | 16:12
Երևանի Թումանյան 2-րդ անցուղի 5/9 հասցեում օրերս սկսվել է 12 հարկանի շենքի շինարարություն, ինչի դեմ բողոքող քաղաքացիները Կենտրոն վարչական շրջանի ղեկավար Վիկտոր Մնացականյանից պահանջում էին կասեցնել շինարարությունը։
Հարակից շենքի առաջին հարկի մի բնակարանում ապրող կինը պաշտոնյային խնդրեց իրեն ապահովել բնակարանով։ Ասաց՝ ինքը հանգիստ չունի, քանի որ իր տան լուսամուտի կողքով ամեն օր ավտոմեքենաներ են գնում-գալիս՝ հանգիստը խաթարում։ Վիկտոր Մնացականյանը հիշեցրեց, որ կառուցապատող ընկերությունը բնակիչներին խոսք է տվել կառուցել մանկապարտեզ, ինչպես նաև ավտոկայանատեղիում տարածքներ հատկացնել նրանց առանց փոխհատուցման։
Մի կին միջամտեց, թե դրան չի հավատում․ «Տիկի՛ն, չեմ ուզում Ձեզ հետ խոսել, որովհետև Դուք վիրավորեցիք, կոռեկտության սահմանն անցաք։ Ես Ձեզ հիշեցի, Դուք էն կինն եք, որը կոնդիցիոներ եք խնդրել, պայմանավորվել եք զարտուղի ճանապարհով փողերի, հարաբերությունների մեջ եք մտել կառուցապատողի հետ, փորձում եք ուրիշին վիրավորել»,- հակադարձեց Մնացականյանը։
Մանրամասները՝ տեսանյութում:
Ռոբերտ Անանյան
