14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Չեմ բացառում, որ Ամուլսարի շահագործումը կարող է ազդել իշխանության վարկանիշի վրա. Արարատ Միրզոյան. ՏԵՍԱՆՅՈՒԹ
Քաղաքականություն
26.08.2019 | 19:46
Ազգային Ժողովի նախագահ Արարատ Միրզոյանն առայժմ չի ցանկանում Ամուլսարի հանքի շուրջ որևէ մեկնաբանություն անել: Նա լրագրողների հետ զրույցում ասաց, որ վարչապետը Շրջակա միջավայրի նախարարությանը հանձնարարել է պարզել՝ արդյո՞ք «Էլարդ»-ի կողմից կատարված փորձաքննությունը կասկածի տեղիք տալ, և միայն նախարարության պատասխանից հետո իր տեսակետը կհայտնի:
«Որևէ հանքի շահագործումը կարող է արդարացված լինել: Որևէ մեկը կարո՞ղ է պնդել, որ մենք հիմա Հայաստանի բոլոր հանքերը փակենք»,- ասաց նա:
ԱԺ նախագահն ասաց՝ գիտի, թե ինչպիսի ընդվզում կա հանքի շահագործման շուրջ: Ըստ նրա՝ լավ է, որ նման երկխոսություն կա:
Արարատ Միզոյանը չբացառեց, որ հանքի շահագործմամբ կարող է իշխանության վարկանիշն անկում ապրել. «Կարող են լինել որոշումներ, որ մեր ուժի վարկանիշը հնարավոր է անկում ապրի»:
Մանրամասները՝ տեսանյութում:
Նարեկ Կիրակոսյան
