08.12.2025 | 16:44
Արծաթափայլ եղևնիների գողության դեպք է բացահայտվել
Հայաստանի և Հունաստանի արտգործնախարարների հանդիպումը ՄԱԿ ԳԱ նստաշրջանին
Քաղաքականություն
21.09.2017 | 15:19
Սեպտեմբերի 20-ին ՄԱԿ-ի գլխավոր ասամբլեայի նստաշրջանի աշխատանքներին մասնակցող ՀՀ արտգործնախարար Էդվարդ Նալբանդյանը հանդիպեց Հունաստանի ԱԳ նախարար Նիկոս Կոձիասի հետ: Այս մասին հայտնում է ԱԳՆ լրատվական ծառայությունը:
Զրուցակիցները քննարկեցին հայ-հունական հարաբերությունների բազմաբովանդակ օրակարգին առնչվող բազմաթիվ հարցեր, անդրադարձան միջազգային կառույցների շրջանակներում փոխգործակցությանը, արտգործնախարարությունների միջև առաջիկա խորհրդակցությունների թեմաներին։
Նախարարները մտքեր փոխանակեցին Հայաստան – Եվրոպական միություն համագործակցության, նոյեմբերին կայանալիք Արևելյան գործընկերության գագաթաժողովի նախապատրաստական աշխատանքների շուրջ։
Հանդիպման օրակարգում էին տարածաշրաջնային խնդիրները և դրանց լուծման ուղղությամբ գործադրվող ջանքերը։ Նախարար Կոձիասը ներկայացրեց կիպրական խնդրի կարգավորման վերաբերյալ վերջին զարգացումները և դրանց առնչությամբ Հունաստանի մոտեցումները։
