09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Եկեղեցիներ և՛ նորոգել է պետք, և՛ կառուցել. Արցախի թեմի առաջնորդ
Տեսանյութեր
21.09.2017 | 12:33
Արցախի թեմի առաջնորդ Պարգև սրբազանը չի ցանկանում ասել, թե ով է իր գնահատմամբ Պոլսո Հայոց Պատրիարարքի արժանի հավակնորդը։ «Նման բաները հրապարակային չեն ասում․ էթիկետ կա, արարողակարգ կա»,-Factor.am-ի հարցին ի պատասխան՝ Եռաբլուր զինվորական պանթեոնում ասաց Սրբազանը։
«Պետք է սպասենք, թե ժողովուրդն ում կընտրի, իմ ցանկության հետ որևէ կապ չունի»,- ասաց նա՝ հավելելով, որ թեկնածուները շատ են։
Հիշեցնենք, որ հուլիսի 28-ին Պոլսո Հայոց պատրիարքարանի եկեղեցական խորհուրդը Արամ արքեպիսկոպոս Աթեշյանին կարգալույծ էր արել։ Որոշումն ընդունվել էր 22 կողմ, 2 դեմ ձայների հարաբերակցությամբ։ Առաջիկայում սպասվում են Պոլսո Հայոց պատրիարքի ընտրությունները:
Ինչ վերաբերում է այն հարցին, թե արդյոք հարկավոր է եկեղեցիներ կառուցել ու վերանորոգել, Արցախի թեմի առաջնորդը պատասխանեց․ «Եկեղեցիներ պետք է այնքան լինեն, որքան մեզ անհրաժեշտ է, որտեղ կարիք կա, այնտեղ պետք է լինի»։
Սրբազանի խոսքով՝ շատ դեպքերում բարերարները ցանկանում են եկեղեցիներ հիմնել հենց իրենց հայրենի բնակավայրերում՝ անկախ նրանից կարիքը կա, թե՝ ոչ։
Առավել մանրամասն՝ տեսանյութով։
Սեդա Ղուկասյան
