05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Բացարձակապես իմ տեղում եմ, 60 տարի հետո միգուցե գնամ ՊՆ․ Վլադիմիր Գասպարյան
Տեսանյութեր
21.09.2017 | 12:27
ՀՀ ոստիկանապետ Վլադիմիր Գասպարյանը համոզված է՝ Հայաստանում «օրենքով գողերը գառի պես խելոք են պահում իրենց»։ Այս մասին «Եռաբլուր» զինվորական պանթեոնում՝ լրագրողների հարցին ի պատասխան ասաց Գասպարյանը՝ վստահեցնելով, թե երկրում անպատժելիության մթնոլորտ չկա։
Ինչ վերաբերում է օրեր առաջ Երևանի կենտրոնում՝ Վերնիսաժի հարակից տարածքում արձակված կրակոցներին, որի հետևանքով մեկ անձ վիրավորվել էր, ևս մեկը սպանվել, Գասպարյանն ասաց․ «Այդ մարդկանց տարիքներն ու անցյալը տեսել եք, բոլորը նախկինում դատված են, իսկ այդ հանցագործությունները՝ բացահայտված, բայց դե տականքը տականք է լինում»։
Factor.am-ի հարցին, թե ըստ լուրերի Գասպարյանն աչք ունի Պաշտպանության նախարարի աթոռի վրա, ոստիկանապետը պատասխանեց․ «Դուք կարծում եք ես լուրեր, բամբասանքներ մեկնաբանո՞ղ եմ, ի սեր Աստծո, ազատեք ինձ դրանից, ես գտնվում եմ այնտեղ, որտեղ պետք է գտնվեմ»։
Հետաքրքրվեցինք՝ ցանկություն չունի՞ լինել պաշտպանության նախարար, Վլադիմիր Գասպարյանը նկատեց իր ցանկությունից ոչինչ կախված չէ․ «Երկիրն ունի գերագույն գլխավոր հրամանատար, իսկ ես զինվորական եմ, բայց գտնում եմ, որ բացարձակապես իմ տեղում եմ, 60 տարի հետո միգուցե ուզենամ գնամ ՊՆ»։
Առավել մանրամասն՝ տեսանյութով։
Սեդա Ղուկասյան
