11.12.2024 | 22:21
Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար
Եթե Հայաստանին, Սևանին, Ջերմուկին 0.1 տոկոս վնաս կա, հանքը չի շահագործվի. Ալեն Սիմոնյան․ ՏԵՍԱՆՅՈՒԹ
Քաղաքականություն
19.08.2019 | 17:51
ՀՀ վարչապետ Նիկոլ Փաշինյանն Ամուլսարի հարցով այսօր հանդիպեց ԱԺ «Իմ քայլը» խմբակցության պատգամավորներին: ԱԺ փոխնախագահ Ալեն Սիմոնյանը հանդիպումից հետո լրագրողների հետ զրույցում ասաց. «Կարծում եմ՝ այսօր օրվա ընթացքում վարչապետը հանդես կգա հայտարարությամբ»:
Հարցին՝ ի՞նչ տրամադրվածություն կա Ամուլսարի հարցում՝ Սիմոնյանը պատասխանեց. «Տրամադրվածություն չկա, կա տրամաբանություն, կա իրավիճակ, հետազոտություն, որն ասում է մի բան, և մարդիկ, որոնք մեկ այլ բան են ասում, որևիցե նոր բան, որը նախկինում չի ասվել և հիմա կատարվելու է, չի լինելու»:
Սիմոնյանն ասաց, որ եթե անգամ 0.1 տոկոս հավանականություն լինի, որ հանքի շահագործումը վնասակար է լինելու, ապա այն չի իրականացվի:
«Եղել է քննարկում, որի ընթացքում կարմիր գծով անցել է հետևյալը, եթե Հայաստանին, Սևանին, Ջերմուկին 0.1 տոկոս վնաս կա, անկախ նրանից, թե որ միջազգային կազմակերպությանը, որ երկրին, որ անհատին դա դուր կգա, թե դուր չի գա, հանքը չի շահագործվի, բայց եթե լինի իրավիճակ, որտեղ տեսնենք, որ վնաս չկա, կշահագործվի»,- ասաց Ալեն Սիմոնյանը:
Մանրամասները՝ տեսանյութում։
