14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Իշխանության համար որևէ բան փորձություն չի կարող լինել. իշխանական պատգամավորը՝ Ամուլսարի մասին․ ՏԵՍԱՆՅՈՒԹ
Քաղաքականություն
19.08.2019 | 16:47
Կարծիք պետք է հայտնել համապատասխան քննարկումներից և որոշակի վերլուծություններից հետո, ներկայում դրանց փուլն է, և վաղ է որևէ բան ասել: Վարչապետ Նիկոլ Փաշինյանի մասնակցությամբ «Իմ քայլը» խմբակցության հետ հանդիպումից առաջ Factor.am-ի հետ զրույցում ասաց իշխանական պատգամավոր Արմեն Խաչատրյանը:
«Լսել եմ Քննչական կոմիտեի նախագահի զեկույցը՝ քրեական գործի շրջանակում այդ հայտնի փորձաքննության արդյունքների վերաբերյալ: Առայժմ խորը ուսումնասիրություն չեմ կատարել զեկույցի հիմքում դրված փորձաքննության արդյունքները: Կարծում եմ՝ մեկ-երկու օրվա մեջ հրատապ այդ հարցը կուսումնասիրվի բավական մանրամասն»,- հավելեց պատգամավորը:
Արմեն Խաչատրյանը, միաժամանակ, համաձայն չէ կարծիքին, որ Ամուլսարի հարցը փորձություն է իշխանության համար. «Իշխանության համար որևէ բան չի կարող փորձություն լինել: Իշխանությունը պետք է հստակ որոշում կայացնի բոլոր հարցերի վերաբերյալ: Որոշումները պետք է լինեն հիմնավոր և պետք է բխեն ՀՀ և հայ ազգի շահերից»:
Մանրամասները՝ տեսանյութում:
