19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Վարչապետը պիտի մտածեր, թե ոնց է Ավինյանն իրեն մանիպուլացնում․ Թեհմինե Ենոքյան․ ՏԵՍԱՆՅՈՒԹ
Քաղաքականություն
19.08.2019 | 15:40
Վարչապետին սխալ են զեկուցում, բամբասանքներ են հասցնում, թե, իբր, Գնդեվազի ժողովուրդն ուղղորդված է, պայքարում է ո՛չ իր կյանքի, առողջության և տնտեսության համար, թե Զանգեզուրի պղնձամոլիբդենային կոմբինատը ժողովրդին ուտելիք է տանում։ Այս մասին այսօր լրագրողների հետ զրույցում նշեց ակտիվիստ Թեհմինե Ենոքյանը։
Նա վստահեցրեց, որ նման բան չկա. «Պաշտոնապես հերքում եմ, նման բան տեղի չի ունեցել։ Զանգեզուրի պղնձամոլիբդենային կոմբինատի դեմ անձամբ ես, տարիներ շարունակ, հանցագործ գործունեության հաղորդումներ եմ ներկայացրել: Այդ մարդիկ ծանր մետաղներով սնում են տարածքի գյուղացիներին»:
«Անգամ պղնձամոլիբդենային կոմբինատի նման հանցագործ կազմակերպությունն իր հայտարարության մեջ հերքել է, որ նման բան տեղի չի ունեցել։ Փաշինյանի Կառավարությունը նշանակել էր Արթուր Գրիգորյանին որպես տեսչության ղեկավար, և նա չորս ամիս շարունակ կոմբինատում իրականացրած տեսչական ստուգումների արդյունքում հսկայածավալ կոռուպցիոն ռիսկեր էր բացահայտել՝ հողերի վաճառքի, հումքի, տարբեր խնդիրների վերաբերյալ։ Փաշինյանը Դավոսից պահանջել է նրան աշխատանքից հեռացնել: Նա շատ երկար պետք է մտածեր Ավինյանի նման անձին որպես փոխվարչապետ նշանակելու մասին, և թե ինչպես է միջազգաին օլիգարխիայի շահերը պաշտպանելու ուղղությամբ Ավինյանն իրեն մանիպուլացնում»,- հավելեց Թեհմինե Ենոքյանը։
Մանրամասները՝ տեսանյութում:
