02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ծիծաղելի, բամբասանքի մակարդակի տեղեկություն է փոխանցվում վարչապետին. Թեհմինե Ենոքյան. ՏԵՍԱՆՅՈՒԹ
Քաղաքականություն
19.08.2019 | 16:32
Որպես Հայաստանի քաղաքացի՝ կասկած եմ հայտնում Զանգեզուրի պղնձամոլիբդենային կոմբինատում ստուգումների արդյունքում տեսչական մարմնի ղեկավար Արթուր Գրիգորյանին աշխատանքից ազատելու վերաբերյալ։ Ծիծաղելի, բամբասանքի մակարդակի տեղեկություն է փոխանցվել վարչապետին, ինչի արդյունքում նրան աշխատանքից ազատել է։ Այս մասին այսօր լրագրողների հետ զրույցում նշեց Գնդեվազ գյուղի բնակիչ, ակտիվիստ Թեհմինե Ենոքյանը։
Անդրադառնալով այսօր կեսօրին վարչապետ Նիկոլ Փաշինյանի՝ ջերմուկցիների հետ հանդիպմանը, ակտիվիստը նշեց. «Քննարկման ձևաչափն անհասկանալի էր։ Ինչպես ստացվեց, որ «Լիդիան»-ի աշխատողները մեր կողքին էին հայտնվել, Գնդեվազի գյուղապետը, որը կոռումպացված է և կոռուպցիայով «Լիդիան»-ին հողեր է վաճառել, այնտեղ նստած էր՝ փոխանակ նրա նկատմամբ կալանք կիրառված լիներ։ Քննիչի կոմպետենտության, նրա կողմնակալության մասին ակնհայտ փաստեր կան։ Նրանք իրավունք չունեին «Լիդիան»-ի հետ այդպիսի պայմանավորվածություններ ձեռք բերել՝ ասելով, թե ինչը կարող են կառավարել, ինչը՝ չէ։ Եթե մարդու մտքին կա, որ հանքը շահագործվի, բոլոր հիմնավորումները կբերի, որ շահագործի։ Եթե ոչ, կբերի բոլոր հնարավոր հակափաստարկները»,- ընդգծեց Թեհմինե Ենոքյանը։
Մանրամասները տեսանյութում:
