22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Ցավալի էր վարչապետի՝ որտե՞ղ էին ջերմուկցիները, երբ սկսում էին Ամուլսարը շահագործել արտահայտությունը․ բնապահպան․ ՏԵՍԱՆՅՈՒԹ
Քաղաքականություն
19.08.2019 | 16:17
Ցավալի էր, որ վարչապետ Փաշինյանն արեց հետևյալ հայտարարությունը. որտե՞ղ էին Ջերմուկի բնակիչները, երբ 2011, 2012 կամ 2014 թվականներին ուզում էին Ամուլսարի հանքը շահագործել։ Սարյանի պուրակում Ամուլսարի հարցով հանրային քննարկման ընթացքում նշեց բնապահպան, ակտիվիստ Լևոն Գալստյանը։
Ըստ նրա՝ այն փաստերը, որոնք վարչապետի հետ հանդիպման ընթացքում ներկայացվել են, ոչ մի կերպ չեն կարող քննարկման կամ կարծիք կազմելու առարկա լինել։
«Շատ զարմանալի է, որ Քննչական կոմիտեի նախագահը, լինելով իրավաբան, հայտարարում է, որ «Լիդիան»-ի հետ իրենք քննարկել են մեղղման միջոցառումները և այն, թե այս զեկույցի հիման վրա ինչեր պետք է «Լիդիան»-ը փոխի իր նախագծում կամ մեղղման միջոցառումներում։ Պաշտոնապես հայտարարում եմ, որ դա հակաօրինական և հակաիրավական հայտարարություն է։ Քննչական կոմիտեի նախագահը ո՛չ իրավական կարգավիճակ ունի, ո՛չ իրավունք, որպեսզի «Լիդիան»-ի հետ քննարկի, թե ինչ է արվելու հանքավայրի շահագործման ընթացքում։ Դա միայն ՀՀ Կառավարության և Բնապահպանության նախարարության լիազորությունների մեջ է մտնում։ Բայց երբ այդ լիազորությունները վարչապետի հետ հանդիպման ժամանակ են խախտվում, դա լուրջ անհանգստությունների տեղիք է տալիս։ Այս խնդրի հետ կապված, իրավական առումով, ՀՀ Կառավարությունը ձախողում է իր գործունեությունը»,- ընդգծեց Լևոն Գալստյանը։
Մանրամասները՝ տեսանյութում:
