Քաղաքականություն
19.08.2019 | 12:49Նույնիսկ այս փորձաքննությամբ հաստատվել է, որ կա նման ռիսկ՝ աղտոտվելու են Արփա, Որոտան և Դարբ գետերը: Ամուլսարի հարցով Բաղրամյան 26-ում վարչապետ Նիկոլ Փաշինյանի հրավիրած խորհրդակցությանը զուգահեռ դրսում անցկացվող բողոքի ակցիայի ժամանակ լրագրողների հետ զրույցում ասաց ՀՀ Ազգային ժողովի ԲՀԿ խմբակցության պատգամավոր Սերգեյ Բագրատյանը:
«Նշում են՝ 16 կետ իրականացնելու դեպքում կմեղմվեն, չեն ասում՝ կվերացվեն այդ ռիսկերը: Իսկ մենք ինչի՞ պետք է համաձայնենք, որ ռիսկայնությունը մնա, և այդ ռիսկերի պատճառով մենք վաղը կորցնենք ողջ Վայոց ձորը»,- ասաց Սերգեյ Բագրատյանը:
Նա նշեց, որ փորձագիտական եզրակացության մեջ որևէ տեղ գրված չէ, որ միանգամայն անվտանգ է հանքի շահագործումը, դա «թողել են Կառավարության հայեցողությանը». «Իրենք նշել են և՛ վտանգները, և՛ ռիսկերը, որպեսզի վաղը չասեն՝ ձեր կարծիքի հիման վրա ենք շահագործել»:
Ըստ Սերգեյ Բագրատյանի՝ Ամուլսարում աշխատանքներ սկսելու թույլտվություն տալու համար նախորդ իշխանությունը պետք է պատասխանատվություն կրի:
Մանրամասները՝ տեսանյութում:
