27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Ռուսական «Պոբեդա» ավիաընկերությունն այսօր կվերսկսի դեպի Գյումրի տոմսերի վաճառքը
Քաղաքականություն
16.08.2019 | 13:19
Ռուսական «Պոբեդա» ավիաընկերությունն այսօր՝ օգոստոսի 16-ին, կվերսկսի դեպի Գյումրի տոմսերի վաճառքը:
Ըստ ՏԱՍՍ գործակալության՝ այս մասին տեղեկացնում է ավիաընկերության պաշտոնական ներկայացուցիչը:
«Այսօր մենք վերսկսում ենք դեպի Գյումրի տոմսերի վաճառքը, օդանավակայանը խոստացել է ձեռնարկել անհրաժեշտ բոլոր միջոցառումները վառելիքի լիցքավորման գործընթացի որակի վերահսկման համար: Մենք շատ ուրախ ենք, որ մեր հաճախորդները կրկին կթռչեն Գյումրի»,- ասել է նա:
Հիշեցնենք, որ ավելի վաղ նույն լրատվական գործակալությունը հայտնել էր, որ «Պոբեդան» թռիչքները դադարեցնում է դեպի Գյումրի՝ վառելիքի թերլիցքավորման պատճառով, իսկ ՀՀ Քաղավիացիայի կոմիտեից էլ նշել էին, որ «Պոբեդա» ավիաընկերությունից որևէ պաշտոնական ծանուցում չեն ստացել։
