18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Վարչապետը պաշտոններից ազատել է իր գլխավոր խորհրդականներին և օգնականին
Քաղաքականություն
15.08.2019 | 15:20
ՀՀ վարչապետ Նիկոլ Փաշինյանն իր գլխավոր խորհրդականներին ազատել է զբաղեցրած պաշտոններից: Այս մասին տեղեկանում ենք ՀՀ կառավարության կայքից:
Վարչապետի որոշմամբ՝ Արսեն Գասպարյանն ազատվել է վարչապետի գլխավոր խորհրդականի պաշտոնից: Որոշման մեջ, մասնավորապես, ասված է.
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝ Արսեն Գասպարյանին ազատել վարչապետի գլխավոր խորհրդականի պաշտոնից»:
Նիկոլ Փաշինյանի մեկ այլ որոշմամբ՝ Արամ Ղարիբյանը վարչապետի գլխավոր խորհրդականի պաշտոնից կազատվի 2019 թվականի սեպտեմբերի 2-ից: Որոշման մեջ ասվում է. «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝ Արամ Ղարիբյանին 2019 թվականի սեպտեմբերի 2-ից ազատել վարչապետի գլխավոր խորհրդականի պաշտոնից»:
Վարչապետի որոշմամբ աշխատանքից ազատվել է նաև նրա օգնական Մհեր Սահակյանը:
