Քաղաքականություն
15.08.2019 | 13:31Մրգաստան գյուղի բնակիչները գյուղապետի գլխավորությամբ այսօր վաղ առավոտից Պաշտպանության նախարարության շենքի դիմաց էին։ Նրանք ի պաշտպանություն զինծառայող Գարիկ Հակոբյանի բողոքի ակցիայի էին եկել և պահանջում էին հանդիպում նախարարի հետ։
Համայնքի բնակիչները պնդում էին Հակոբյանը առողջական խնդիրներով է բանակ գնացել, որտեղ անուշադրության է մատնվել, նրան հրամանատարը ճնշել է, որի հետևանքով զինծառայողը լքել է զորմասն ու հայտնվել իրավապահների ուշադրության կենտրոնում։
ՊՆ-ից հայտնեցին, որ Հակոբյանը գտնվում է Ռազմական ոստիկանությունում, իրենք պատրաստվում են տեսակցել նրան և փորձել առողջական խնդիրների հարցը պարզել և լուծում տալ, ասացին նաև, որ մնացած իրավական հարցերը իրենց տիրույթում չեն։
Մանրամասները՝ տեսանյութում։
Լիլիթ Շաբոյան
