16.12.2025 | 12:59
Ռուբեն Ռուբինյանի ճեպազրույցը. ՈՒՂԻՂ
Ինչ տեղեկություն ունի ՊՆ-ն Ադրբեջանում հայտնված ՀՀ զինծառայողի վերաբերյալ․ ՏԵՍԱՆՅՈՒԹ
Քաղաքականություն
15.08.2019 | 13:22
Ադրբեջանի տարածքում հայտնված զինծառայող Արայիկ Ղազարյանի վերաբերյալ որևէ նոր տեղեկություն այս պահին ՊՆ-ն չունի։ Այս մասին այսօր Factor.am-ի հետ զրույցում ասաց ՀՀ ՊՆ մամուլի խոսնակ Արծրուն Հովհաննիսյանը:
«Բավականին ծանր, դաժան, դժվար, դանդաղ հաջողություն բերող գործընթաց է»,- ասաց նա։
Օգոստոսի 13-ին պաշտպանության նախարար Դավիթ Տոնոյանը լրագրողների հետ զրույցում նշել էր, որ զինծառայող Արայիկ Ղազարյանի՝ Ադրբեջանում հայտնվելու հանգամանքները պարզելու համար հետաքննություն է իրականացվում: Տոնոյանի համոզմամբ` Ադրբեջանում հայտնված զինծառայողն աշխարհագրորեն մոլորվել է:
Հիշեցնենք, որ օգոստոսի 12-ին՝ ժամը 12:00-ի սահմաններում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000թ. ծնված Արայիկ Հայկի Ղազարյանը: Ավելի վաղ ՀՀ պաշտպանության նախարարի մամուլի խոսնակ Արծրուն Հովհաննիսյանը հաստատել էր, որ Ադրբեջանում այս պահին կա հայ քաղաքացի: «Հաստատում եմ, որ Ադրբեջանում այս պահին կա հայ քաղաքացի, սակայն հանգամանքները, նրա ով լինելը և այլ մանրամասներ կհայտնեն համապատասխան մարմինները»,- գրել էր նա իր ֆեյսբուքյան էջում:
Մանրամասները՝ տեսանյութում։
Լիլիթ Շաբոյան
