27.09.2026 | 18:38
Հաղորդում է ներկայացվել հանցագործության մասին. ՀԷՑ-ը՝ ենթակայանում բռնկված հրդեհի մասին
Տեղեկություններ ունեմ. Սինանյանը՝ «յան»-ով ազգանուն ունեցողներին Սոչիի օդանավակայանից ազատելու մասին. ՏԵՍԱՆՅՈՒԹ
Քաղաքականություն
15.08.2019 | 12:37
Տեղեկություններ ունեմ, բայց փաստեր՝ ոչ: Factor.am-ի հետ զրույցում ասաց Սփյուռքի գործերի գլխավոր հանձնակատար Զարեհ Սինանյանը՝ անդրադառնալով Սոչիի միջազգային օդանավակայանի հայ աշխատակիցներին ազգային պատկանելության հիմքով աշխատանքից ազատելու մասին լուրերին:
«Տեղեկություն ունեմ, բայց փաստեր չունեմ: Փորձում ենք հստակեցնել՝ կա՞ ազգային խնդիր, թե՞ ոչ: Դրանք ոչ պաշտոնական շրջանակների տեղեկություններ են: Մանրամասն և հստակ տեղեկություն չունենք, փորձում ենք պարզել, դիմել ենք նաև ԱԳՆ-ին: Սեպտեմբերի կեսերին պլանավորում եմ այցելել Սոչի և կարծում եմ, որ տեղում ավելի հստակ կդառնա պատկերը»,- ասաց հանձնակատարը:
Վերջերս Սոչիի միջազգային օդանավակայանի հայ աշխատակիցները հայտարարություն էին տարածել, որտեղ նշել էին, որ աշխատանքից ազատում են ազգությամբ հայ աշխատողներին։ Հայտարարությունը ստորագրել էր 29 հոգի։
Համացանցում տարածվել է մի ձայնագրություն, որտեղ օդանավակայանի ղեկավարությունը բացատրում է հայ աշխատակցին, թե ինչու են իրեն աշխատանքից ազատել։ Ինչպես նշվում է ձայնագրության մեջ՝ նրան աշխատանքից ազատում են ՌԴ նախագահ Վլադիմիր Պուտինին ուղղված նամակը ստորագրելու համար։
Մանրամասները՝ տեսանյութում:
Նարեկ Կիրակոսյան
