16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ուրուգվայն աջակցում է ԵԱՀԿ ՄԽ շրջանակում բանակցային գործընթացին. Ռոդոլֆո Նին Նովոա
Քաղաքականություն
14.08.2019 | 13:21
Ուրուգվայն աջակցում է ԵԱՀԿ Մինսկի խմբի ջանքերին: Այս մասին այսօր ՀՀ ԱԳ նախարարի հետ համատեղ ասուլիսի ժամանակ ասաց Ուրուգվայի ԱԳ նախարար Ռոդոլֆո Նին Նովոան:
«Մեր երկիրն աջակցում է ԵԱՀԿ Մինսկի խմբի շրջանակում բանակցային գործընթացին, որն իրականացվում է ՄԱԿ-ի սկզբունքների վրա հիմնված լուծման հասնելու նպատակով: Խաղաղ լուծմանն այլընտրանք չկա»,- ասաց նախարարը:
Զոհրաբ Մնացականյանն էլ նշեց, որ Ուրուգվայի արտգործնախարարին տեղեկացրել է բանակցային գործընթացի մասին՝ ներկայացնելով հայկական կողմի մոտեցումները: «Ղարաբաղի բնակչության անվտանգությունը եղել և մնում է առաջնային, դրանից բխող կարգավիճակի հարցը նույնպես գերակա է: Ես բացատրեցի նաև խաղաղ կարգավորմանն այլընտրանք չունեցող մեր մոտեցումը»,- արտաքին քաղաքական գերատեսչության ղեկավարը:
