17.09.2026 | 23:38
Սամվել Կարապետյանի տնային կալանքը երկարաձգվել է
Սրանով պետական կոռուպցիան բարձրացվում է ևս մեկ աստիճանի. Հայկ Մարտիրոսյան. ՏԵՍԱՆՅՈՒԹ
Քաղաքականություն
13.08.2019 | 15:36
Սրանով պետական կոռուպցիան բարձրացվում է ևս մեկ աստիճանի: Քաղաքագետ Հայկ Մարտիրոսյանն այսօր լրագրողների հետ հանդիպմանն այսպես գնահատեց «Սահմանադրական դատարանի մասին» օրենքում առաջարկվող փոփոխությունը, որով նախատեսվում է պահպանել մինչև հոկտեմբերի 31-ը հրաժարական ներկայացրած ՍԴ անդամի՝ հրաժարականի պահին սահմանված աշխատավարձը, հավելավճարներն ու սոցիալական երաշխիքները:
Նա կարծում է, որ այսպիսով առավել մեծ, ինստիտուցիոնալացված կոռուպցիոն մեխանիզմ է ներդրվում: Ըստ Հայկ Մարտիրոսյանի՝ հեղափոխական իշխանությունները, չկարողանալով հեռացնել ՍԴ անդամներին, փորձում են դա անել կաշառքով և ժողովրդի հաշվին:
«Կաշառատվությունը հենց հակահեղափոխական գործողություն է: Ես նայեցի նաև Արդարադատության նախարարության բացատրությունը, թե սա միջազգային պրակտիկային չի հակասում… լղոզված, թույլ բացատրություն, որն ամոթալի է»,- հավելեց քաղաքագետը:
Մարտիրոսյանի խոսքով՝ մոտավոր հաշվարկներով, սա միջինը 2 մլն դոլար է արժենալու, բայց սա համարում է ոչ միայն գումարի, այլև սկզբունքի խնդիր. «Ինչո՞ւ պիտի մարդիկ, որոնք պիտի հեռացվեն Սահմանադրական դատարանից, հեռացվեն խնդրելով, կաշառելով և այլն»:
Մանրամասները՝ տեսանյութում:
