27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Քաղաքապետի խոսնակն արձագանքում է «Սանիթեք»-ին. ՏԵՍԱՆՅՈՒԹ
Քաղաքականություն
09.08.2019 | 14:12
Երևանի քաղաքապետի մամուլի խոսնակ Հակոբ Կարապետյանն այսօր լրագրողների հետ զրույցում անդրադարձավ «Սանիթեք» ընկերության այն հայտարարությանը, թե քաղաքապետարանն ապօրինի հեռացնում է «Սանիթեք»-ի աղբամանները, չի կատարում սահմանված վճարումները:
«Երևան համայնքը և անձամբ Երևանի քաղաքապետն ունի ուղղակի պարտավորություն՝ ապահովելու Երևանի աղբահանությունը և սանիտարական մաքրումը։ Այդ պարտավորությունը, 2013 և 2015 թվականների պայմանագրերի համաձայն, քաղաքապետարանը պատվիրակել է «Սանիթեք» ընկերությանը։ Եվ քանի որ մենք բոլորս արձանագրում ենք, որ «Սանիթեք»-ը պատշաճ կերպով իրեն պատվիրակված լիազորությունը չի իրականացնում, քաղաքապետարանը ձեռնարկում է միջոցառումներ, որպեսզի իր ուղղակի պարտականությունը կատարի։ Այդ միջոցառումների թվում են աղբատար մեքենաների ձեռքբերումը և կիրառումը, և աղբամանների ձեռքբերումն ու տեղադրումը»,- ասաց Հակոբ Կարապետյանը։
Հարցին՝ որտեղ են «Սանիթեք»-ի աղբամանները, Հակոբ Կարապետյանը պատասխանեց. «Տեղափոխված աղբամանները հիմա գտնվում են պահպանվող տարածքում»։
Մանրամասները՝ տեսանյութում։
Լիլիթ Շաբոյան
