27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Համայնքային բյուջեն քամելը և աղբահանությանը տալը կառավարման վատ ձև է․ Դավիթ Խաժակյան․ ՏԵՍԱՆՅՈՒԹ
Քաղաքականություն
09.08.2019 | 13:28
Երևանի ավագանու «Լույս» խմբակցության ղեկավար Դավիթ Խաժակյանը կարծում է, որ աղբահանության վիճակը կարգավորեու համար անհրաժեշտ է ներգրավվել երրորդ օպերատոր. «Միջազգային օպերատորը կիրականացներ այդ ներդրումը, և մենք ստիպված չէինք լինի բյուջեից այսպիսի ծավալներով գումարներ հատկացնել: Վատ է, որ մի ոլորտում կա մոնոպոլիա, այդ վիճակը շտկելու համար պետք է մրցակցություն ավելացնել»։
Ավագանու արտահերթ նիստում անդրադառնալով աղբահանությանը հատկացվող հավելյալ գումարներին՝ Խաժակյանն ասաց. «Այսօր ավագանու այս որոշմամբ նախատեսվում է ևս 91 մլն դրամ նվազեցնել մանկապարտեզների վերանորոգման բյուջեից: Փաստորեն, մենք ինչ քննարկում ենք, երևացող կողմի մի մասն է, որովհետև մնացած մասն արդեն քաղաքապետի որոշումներով վերաբաշխվել է և, ըստ էության, պահուստային ֆոնդից էլ շատ քիչ բան է մնում, ինչը մտահոգիչ է»։
Խաժակյանը պնդեց՝ համայնքի բյուջեն քամելն ու աղբահանությանն ուղղելը կառավարման վատ ձև է։
Մանրամասները՝ տեսանյութում։
Լիլիթ Շաբոյան
