17.09.2026 | 23:38
Սամվել Կարապետյանի տնային կալանքը երկարաձգվել է
Երևանի քաղաքապետարանը 1 մլրդ 726 մլն դրամ կհատկացնի աղբահանության և սանմաքրման աշխատանքների համար
Քաղաքականություն
09.08.2019 | 13:17
Երևանի ավագանու այսօրվա նիստում Երևանի փոխքաղաքապետ Հայկ Սարգսյանն առաջարկեց Երևան քաղաքի բյուջեի նախագծում փոփոխություն կատարել․
«Առաջարկում ենք Երևան քաղաքի 2019-ի բյուջեում փոփոխություններ կատարել: Երևանի վարչական տարածքի աղբահանության և սանիտարական աշխատանքների ապահովման նպատակով առաջարկվում է բյուջեով նախատեսված գումարն ավելացնել 1 մլրդ 726 մլն դրամով»,-ասաց Փոխքաղաքապետը։
Վերջինս նաև հավելեց, որ վերը նշված ծառայությունների համար անհրաժեշտ գումարը ապահովելու նպատակով առաջարկվում է հոդվածատեղափոխություն կատարել՝ նախադպրոցական վերանորոգման համար նախատեսված 91 մլն դրամը փոխանցելով աղբահանության ու սանմաքրման աշխատանքներին:
Ըստ այս նախագծի՝ քաղաքապետարանը ձեռք կբերի 3 աղբաման լվացող մեքենա, 1000 մետաղական աղբարկղ, 5 փոշեկուլ ավտոմեքենա, 11 ձնամաքրող մեծ մեքենա, 10 փոքր ձնամաքրող մեքենա, 22 հատ ձնամաքրող տրակտոր՝ մայթերի մաքրման համար, 10 հատ փոքր աղբահավաք մեքենա։ Նախագիծը ընդունվեց 41 կողմ ձայներով։
