15.05.2026 | 21:44
Իրանը «չի վստահում» ԱՄՆ-ին․ կբանակցի միայն այն դեպքում, եթե Վաշինգտոնը լուրջ լինի. Արաղչի
Բաքուն Փաշինյանի հայտարարությունն ագրեսիվ է որակել և Հայաստանին մեղադրել բանակցային գործընթացը հարվածի տակ դնելու մեջ
Քաղաքականություն
06.08.2019 | 17:13
Ադրբեջանի ԱԳՆ-ն հայտարարել է, որ Հայաստանի վարչապետ Նիկոլ Փաշինյանի հայտարարությունը՝ «Արցախը Հայաստան է և վերջ», ակնհայտորեն «հակասում է ղարաբաղյան հիմնախնդրի կարգավորման բանակցային գործընթացի ոգուն և էությանը»:
«Փաշինյանի ագրեսիվ հայտարարությունը բացահայտորեն հակասում է ղարաբաղյան հիմնախնդրի կարգավորման բանակցային գործընթացի ոգուն և էությանը, այդ թվում՝ վերջին հանդիպումների ժամանակ տեղի ունեցած քննարկումներին: Հայաստանի քաղաքական առաջնորդի հայտարարությունը նաև չի համապատասխանում հենց Երևանի կողմից հնչեցրած՝ «հակամարտությունը բացառապես խաղաղ ճանապարհով կարգավորելու» կոչին»,- նշել են Ադրբեջանի ԱԳՆ-ում՝ հավելելով, որ «Փաշինյանը ցույց տվեց իր իրական դեմքը»:
Միաժամանակ, նշվում է, որ Փաշինյանն իր հայտարարությամբ հարվածի տակ է դրել նաև ԵԱՀԿ Մինսկի խմբի միջնորդությամբ իրականացվող բանակցային գործընթացը:
«Չնայած այդ հայտարարությունը ներքին լսարանի համար է, դա Հայաստանի վարչապետին հիմք չի տալիս մտքեր հնչեցնել Ադրբեջանի շրջան Լեռնային Ղարաբաղը Հայաստանին բռնակցելու մասին»,- հայտարարել են Ադրբեջանի ԱԳՆ-ում:
