02.09.2026 | 12:45
Ռուսական զորքերը հարվածել են Օդեսային. բնակելի շենք է վնասվել, կան տուժածներ
Արցախում թույլ չենք տալու Հայաստանի իշխանության դեմ ուժեր ձևավորվեն․ Արայիկ Հարությունյան. ՏԵՍԱՆՅՈՒԹ
Քաղաքականություն
06.08.2019 | 15:30
Հայաստանի վարչապետը հստակ հայտարարություն է արել, ըստ որի, Արցախում պետք է տեղի ունենան ժողովրդավարական թափանցիկ ընտրություններ, որոնց ընթացքում պետք է բացառվի բռնությունը և օրենքից դուրս ցանկացած քայլ։
Այս հստակ հայտարարությունը թողած չպետք է որևէ ուղերձի հետևից ընկնել։
Այս մասին այսօր Ստեփանակերտում լրագրողների հետ զրույցում նշեց «Ազատ հայրենիք» կուսակցության նախագահ Արայիկ Հարությունյանը։
Վերջինս նաև նշեց, որ թույլ չեն տալու Հայաստանի ժողովրդի կողմից ընտրված իշխանության դեմ Արցախում որևէ սպառնալիք առաջանա։
«Թույլ չենք տալու Հայաստանի ժողովրդի կողմից ընտրված իշխանության դեմ Արցախում որևէ սպառնալիք կամ հակաիշխանական ուժեր ձևավորվեն։ Մենք չենք կարող թույլ տալ, որ Հայաստանի իշխանությունների դեմ շարժում կամ քյալի արվի։ Ոչ թե իշխանությունը, այլ ժողովուրդը դա թույլ չի տա, որովհետև մենք մի ժողովուրդ ենք, քույրեր ու եղբայրներ ենք»,- ընդգծեց Արայիկ Հարությունյանը։
Մանրամասները՝ տեսանյութում
Ռոբերտ Անանյան
