13.10.2026 | 14:10
Հայաստանն ու Լեհաստանը քննարկել են տնտեսական դիվանագիտության ոլորտում համագործակցության ընդլայնումը
Մեր պարտքը 2 միլիարդ դրամ է, եթե չվճարեն՝ կգնանք ճանապարհները փակելու․ վախենալու բան չունենք․ «Հյուսիս-հարավ» ավտոճանապարհի ենթակապալառու ընկերության աշխատակից
Հասարակություն
06.08.2019 | 13:52
«Հյուսիս-հարավ» ավտոճանապարհի ենթակապալառու ընկերությունների աշխատակիցները օգոստոսի 8-ին կհանդիպեն Կառավարության անդամների հետ՝ քննարկելու աշխատակիցների պահանջները։
Հիշեցնենք, որ նրանք այսօր պատրաստվում էին փակել Աշտարակ-Ուջան ավտոճանապարհը, սակայն վերջիններիս հրավիրել էին ոստիկանություն։
Լրագրողների հետ զրույցում ենթակապալառու ընկերության աշխատակից Գուրգեն Հովհաննիսյանն ասաց, որ իրենց ոստիկանության բաժանմունքում հորդորել են չիրականացնել բողոքի ակցիա և չփակել Աշտարակ-Ուջան ավտոճանապարհը։
«Մոտ մեկ ժամի չափ եղել ենք ոստիկանությունում, հանդիպել ենք Աշտարակի ոստիկանապետի հետ, ոստիկանապետը կապնվել է կառավարության հետ և խոսք են տվել, որ ամսի 8-ին՝ կառավարության նիստից հետո, մեզ հետ կհանդիպեն»,-ասաց Հովհաննիսյանը՝ հիշեցնելով, որ իրենց խոստացել էին իրենց չվճարված աշխատավարձերի հարցը լուծել դեռ այս տարվա մայիսի 31-ին՝ հարցի լուծման համար ենթակապալառու ընկերությունների աշխատակիցներից պահանելով 40 օր ժամկետ, սակայն, մինչ այս պահն իրենց պահանջները մնում են չկատարված։
«Մեր պարտքը երկու միլիարդ դրամ է, որն օր օրի ավելանում է»,-ասաց Հովհաննիսյանը՝ նշելով, որ եթե այս տարվա օգոստոսի 8-ին իրենց հարցը չլուծվի, գնալու են բողոքի ակցիաներ իրականացնելու ճանապարհով, ճանապարհներ են փակելու, քանի որ վախենալու բան չունեն։
Հիշեցնենք, որ ենթակապալառու «Կորսան Կորվիամ» ընկերության հետ կառավարությունը խզել է պայմանագիրը, սակայն աշխատակիցները պահանջում են, որպեսզի կառավարությունը իսպանական կազմակերպությունից հետպահման և երաշխիքային գումարներից վճարի ենթակապալառու ընկերությունների գումարները։
