14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Քաղաքապետարանը թափանցիկ չի աշխատում․«Երևանի պաշտպանության ճակատ» նախաձեռնության համակարգող. ՏԵՍԱՆՅՈՒԹ
Հասարակություն
06.08.2019 | 12:52
Երևանի խնդիրները շատ են, դրա համար որոշել եմ «Երևանի պաշտպանության ճակատ» նախաձեռնությունը ստեղծել։
Այս մասին այսօր Երևանի քաղաքապետարանի դիմաց հրավիրված ասուլիսի ընթացքում նշեց «Երևանի պաշտպանության ճակատ» նախաձեռնության համակարգող Բաբկեն Հարությունյանը։
«Քաղաքապետն ամիջական շփումների ընթացքում խուսափում է լսել քաղհասարակության ներկայացուցիչների տեսակետը։ Այն թերանում է հատկապես աղբահանության հարցում։ Որոշ ժամանակ առաջ դիմել էի՝ ստանալու «Սանիթեք» ընկերության հետ կնքած պայմանագրի օրինակը։ Ծանուցում եմ ստացել, անցել է սահմանված 5-օրյա ժամկետը, սակայն պատասխան դեռ չեմ ստացել»,- նշեց Բաբկեն Հարությունյանը։
Նրա խոսքով՝ Երևանի քաղաքապետարանը թափանցիկ չի աշխատում և այս հարցում միակողմանի է գործում, «Սանիթեքի» հետ պայմանագրից միայն որոշ հատվածների հղում անելով փորձում է հասարակական կարծիք ձևավորել։
«Հարց է առաջանում․ եթե ամեն ինչ լավ է, գրեթե տասը ամիս է՝ Հայկ Մարությանը զբաղեցնում է քաղաքապետի պաշտոնը, ի՞նչն է նրան խանգարում լուծարել «Սանիթեքի» հետ պայմանագիրը և բարեխղճորեն կատարել քաղաքի աղբահանությունը»,- ընդգծեց «Երևանի պաշտպանության ճակատ» նախաձեռնության համակարգողը։
Բաբկեն Հարությունյանը նաև նշեց, որ քաղաքապետարանի կողմից Շրջակա միջավայրի խորհուրդ ստեղծելու մասին հայտարարությունից հետո, դիմել է՝ անդամագրվելու համար։
«Անցել է բավական ժամանակ, սակայն առ այսօր պատասխան չեմ ստացել»,- ասաց «Երևանի պաշտպանության ճակատ» նախաձեռնության համակարգողը։
Մանրամասները՝ տեսանյութում․
Նելլի Մելքոնյան
