17.09.2026 | 23:38
Սամվել Կարապետյանի տնային կալանքը երկարաձգվել է
ՊՎԾ պետի պաշտոնակատարն աշխատանքից ազատել է Կարո Ղուկասյանին
Քաղաքականություն
06.08.2019 | 12:37
Այսօր աշխատանքից ազատվել է Պետական վերահսկողական ծառայության իրավախորհրդատու Կարո Ղուկասյանը:
Այս մասին նա գրառում է կատարել ֆեյսբուքում: Վերջինս նաեւ նշել է, որ պատճառների մասին կխոսի առաջիկայում:
«Այսօր ՀՀ ՊՎԾ ժամանակավոր պաշտոնակատար Արգիշտի Էլբեկի Քյարամյանի հրամանով ես ազատված եմ ՀՀ պետական վերահսկողական ծառայությունից։ Պատճառը հաստիքը կրճատումն է չնայած այն հանգամանքին, որ ժամանակավոր պետը և իր տեղակալը ինչքան ծանոթ բարեկամ ունեն բերել են և տեղավորել գործի»,- գրել է նա։
Թեմայի շուրջ ՊՎԾ-ից Factor.am-ին փոխանցեցին, որ Կարո Ղուկասյանին ազատելը պայմանավորված է կառուցվածքային փոփոխություններով:
Նշենք, որ կառուցվածքային փոփոխությունների մասին Factor.am-ին տված բացառիկ հարցազրուցում նշել էր նաեւ ՊՎԾ պետի պաշտոնակատար Արգիշտի Քյարամյանը, ով, ի դեպ, անդրադառնալով իր սանիկին ՊՎԾ-ում պատասխանատու պաշտոնի նշանակելու փաստին, ասել էր «սանիկս է, բայց լավ մասնագետ է»:
Նարեկ Կիրակոսյան
