02.09.2026 | 13:35
US Open. 40-ամյա Գաել Մոնֆիսն ուշագրավ ցուցանիշ է գրանցել իր ծննդյան տարեդարձի օրը. ՏԵՍԱՆՅՈՒԹ
Հայաստանը իմ օջախն է, ժողովուրդը՝ ընտանիքը. սա պիտի լինի համահայկական կարգախոս. Փաշինյան․ ՏԵՍԱՆՅՈՒԹ
Քաղաքականություն
05.08.2019 | 20:38
Հայաստանը իմ օջախն է, ժողովուրդն իմ ընտանիքն է։ Սա պիտի լինի մեզնից յուրաքանչյուրին առաջ մղող կարգախոսը, որտեղ մեզանից յուրաքանչյուրի ընտանիքի շահը ներդաշնակ է հանրության շահի հետ, որտեղ մեզանից յուրաքանչյուրի օջախի շահը ներդաշնակ է հայրենիքի հետ, որտեղ մեզանից յուրաքանչյուրի անհատական արժանապատվությունն ու ազատությունը ներդաշնակ են հանրության արժանապատվության և հայրենիքի ազատության գաղափարների հետ։ Ստեփանակերտի Վերածննդի հրապարակում հրավիրված հանրահավաքին ունեցած ելույթում հայտարարեց ՀՀ վարչապետ Նիկոլ Փաշինյանը:
Նրա խոսքով՝ սա է նոր Հայաստանի արժեքային վերափոխման կարևորագույն օրակարգերից մեկը:
«Եվ հենց ընկալման այսպիսի փոփոխությունն էր, որ 2018 թվականի գարնանը հանգեցրեց համահայկական հեղափոխության, երբ մարդիկ իրար ընկալում էին որպես հարազատ, երբ ժողովուրդն իրեն ընկալում էր որպես մի մեծ, երջանիկ, համերաշխ ու հաղթական ընտանիք։ Այս է պատճառը, որ մեզնից յուրաքանչյուրը վստահորեն կարող է ասել և պիտի ասի՝ Հայաստանն իմ օջախն է, ժողովուրդն իմ ընտանիքն է: Ընդ որում, սա պիտի դառնա նոր ժամանակների համահայկական կարգախոս»,- հայտարարեց վարչապետը:
Մանրամասները՝ տեսանյութում:
