Քաղաքականություն
05.08.2019 | 20:20Համահայկականության առաջարկվող տրամաբանությունը իսկապես կարող է գոյություն ունենալ և արդյունավետ լինել, եթե մենք հենվենք համահայկական մի քանի առանցքային համաձայնությունների վրա և այս հարցերում արձանագրենք մեր ազգային համերաշխությունը: Ստեփանակերտի Վերածննդի հրապարակում անցկացվող հանրահավաքի ժամանակ հայտարարեց ՀՀ վարչապետ Նիկոլ Փաշինյանը՝ թվարկելով այդ համաձայնությունները:
«Բռնությունը պետք է բացառվի ներհայկական որևէ հարցի լուծման գործիքակազմից: Մեր իրականության մեջ, իրար մեջ հարցեր լուծելու համար մենք բռնությունը պետք է բացառենք: Բոլոր այն ուժերը, անհատները, որ բռնությունը դիտարկում են որպես ներհայկական որևէ հարցի լուծման միջոց, պետք է մերժվեն և հայ ժողովրդի պատմության աղբանոցը նետվեն»,- շեշտեց Նիկոլ Փաշինյանը:
Նա հավելեց, որ այս համատեքստում կա միայն մի բացառություն. խոսքն օրինական բռնության կիրառման մասին է՝ հանցագործությունների կանխման և բացահայտման համատեքստում:
Մանրամասները՝ տեսանյութում:
