18.09.2026 | 13:18
Որ 4-5 ամիս էլ սենց գնաց, դաշնականության սև խոռոչը տանելու է մեր գործընկերներին․ Արման Եղոյան․ ՏԵՍԱՆՅՈՒԹ
ՀՀ Վարչապետի՝ Ստեփանակերտում հրավիրած հանրահավաքին «Ազատ հայրենիք»-ը կմասնակցի ավելի քան 10.000 հոգով. Արայիկ Հարությունյան
Քաղաքականություն
05.08.2019 | 11:15
Այսօր՝ օգոստոսի 5-ին, Ստեփանակերտի Վերածննդի հրապարակում ՀՀ վարչապետ Նիկոլ Փաշինյանի հրավիրած հանրահավաքին Արցախի նախկին վարչապետ Արայիկ Հարությունյանի գլխավորած քաղաքական ուժը կմասնակցի ավելի քան 10.000 կուսակից և համակիր անդամներով: Այս մասին քիչ առաջ իր ֆեյսբուքյան էջում գրել է Արայիկ Հարությունյանը՝ մասնավորապես նշելով, որ, ամփոփելով Ստեփանակերտի Վերածննդի հրապարակում կայանալիք համահայկական նշանակության հանրահավաքի կազմակերպմանն ուղղված «Ազատ հայրենիք» կուսակցության աշխատանքները, հայտարարում է, որ Արցախի բոլոր համայնքներից, կուսակցության անդամ և համակիր ավելի քան 10.000 քաղաքացիներ կմասնակցեն այս շատ կարևոր նախաձեռնությանը:
«Իսկ Ստեփանակերտի մեր համախոհները ժամը 18:30-ին դեպի հրապարակ կշարժվեն «Սպայի տան» հարակից տարածքից՝ իմ առաջնորդությամբ: Սիրելի՛ հայրենակիցներ, իմ երախտագիտությունն եմ հայտնում ձեզ՝ կոչիս արձագանքելու համար, և մեկ անգամ ևս հորդորում՝ անմասն չմնալ այս պատմական իրադարձության՝ հավուր պատշաճի կայացման գործում մեր լուման ներդնելուց:
Կեցցե՛ն Արցախի և Հայաստանի Հանրապետությունները: Կեցցե՛ Հայրենիք-Սփյուռք անխախտ միասնությունը: Կեցցե՛ հայ ժողովուրդը, որ Ազատ Հայրենիքում արդեն իսկ կերտում է իր արժանապատիվ ապագան»,- նշել է Ա. Հարությունյանը:
Նշենք, որ ՀՀ վարչապետի՝ Ստեփանակերտում հանարահավաք անցկացնելու մասին կոչին Արցախի քաղաքական ուժերի ղեկավարներից արձագանքել էր միայն Արայիկ Հարությունյանը: Հիշեցնենք նաև, որ անցած տարվա օգոստոսի 17-ին ՀՀ վարչապետ Նիկոլ Փաշինյանի հրավիրած հանրահավաքին Արցախից կրկին արձագանքել էր միայն «Ազատ հայրենիք» կուսակցությունը, որի նախաձեռնությամբ ավելի քան 1000 մարդ էր Արցախից մեկնել Երևան:
