19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հայաստանում կառավարման համակարգը հենված է եղել կոռուպցիայի վրա եւ երբ հանում ես կոռուպցիան, տեսնում ես, որ տակը կառավարման համակարգ չկա. Փաշինյան
Քաղաքականություն
04.08.2019 | 17:46
2014թ.-ին պատրաստվել է մի գաղտնի զեկույց, որն ապացուցում է, որ հեղափոխությունից առաջ եւ որոշ իմաստով նաեւ հեղափոխությունից հետո մեր երկիրը գտնվում է ինստիտուցիոնալ կաթվածահար վիճակում:
Այս մասին ֆեյսբուքի ուղիղ եթերում ասել է ՀՀ վարչապետ Նիկոլ Փաշինյանը:
«Նախորդ իշխանության օրոք պատրաստված այս փաստաթուղթը մեզ տալիս է ամբողջական պատկերացում, թե ինչ վիճակում է եղել կամ այսօր էլ կա մեր երկիրը, որովհետեւ այն պրոբլեմները, որոնք այստեղ գրված են, մեկ տարում հնարավոր չէր շտկել: Այսօր Հայաստանում չկան ինստիտուտներ, որոնք կլուծեն մարդկանց խնդիրները: Մենք, ըստ էության, զրոյից պետք է ստեղծենք ինստիտուտներ, ընդհուպ մինչեւ անկախ դատական համակարգ, պետական գնումների համակարգ եւ այսպես շարունակ»,-ասաց վարչապետը:
Փաշինյանը նշեց, որ Հայաստանում կառավարման համակարգը հենված է եղել կոռուպցիայի վրա եւ երբ հանում ես կոռուպցիան, տեսնում ես, որ տակը կառավարման համակարգ չկա:
Փաշինյանը նշեց, որ եղել են ինստիտուտներ, որոնց վերաբերյալ ինքը կարծել է՝ կայացած են, սակայն, վերջում պարզվել է՝ ինստիտուցիոնալ կաթված է կամ կիսակաթված:
Վերջինս նշեց, որ մեզ ամուր նյարդեր են պետք և չպետք է խուճապահար վազենք բոլոր հնարավոր հարցերի հետեւից, այլ հերթով լուծենք խնդիրները՝ առանց տուրք տալու էմոցիաներին:
