Զարուհի Փոստանջյանը մեկ ասում է՝ պրիվետ Ռոբ, հետո ասում է՝ Քոչարյանը քաղբանտարկյալ է. Ալեն Սիմոնյան. ՏԵՍԱՆՅՈՒԹ

«Ոչ Ստամբուլյան կոնվեցիային» շարժմանը «Իմ քայլը» խմբակցությունից միացել է միայն մեկ պատգամավոր։ Այս մասին Factor.am-ի հետ զրույցում ասաց ԱԺ փոխնախագահ Ալեն Սիմոնյանը:

«Քննարկում ենք ոչ միայն Ստամբուլյան կոնվենցիան, այլև կուսակցական հարցեր։ Հիմա քննարկումը շարունակվում է, և կոռեկտ չի, որ ես ինչ-որ բան ասեմ»,- ասաց Ալեն Սիմոնյանը և հավելեց, որ առողջական խնդիրներ ունի, այդ պատճառով քննարկումը կիսատ է թողել և դուրս եկել։

Դիտարկմանը, որ խմբակցությունում այս մասով տարաձայնություններ կան, նույնիսկ պատգամավորներ կան, որ միանում են՝ «ո՛չ Ստամբուլյան կոնվեցիային» շարժմանը, Ալեն Սիմոնյանն ասաց. «Նախ՝ սխալ է ասել՝ պատգամավորներ կան, կա 1 պատգամավոր, որը միացել է։ Միանշանակ կան տարբեր կարծիքներ ոչ միայն Ստամբուլյան կոնվենցիայի հետ կապված, այլ բոլոր հարցերի շուրջ»։

Հարցին՝ արդյո՞ք աշնանն ԱԺ-ի օրակարգում լինելու է այդ հարցը, Սիմոնյանն ասաց, որ այս պահին չի կարող ասել:

Անդրադառնալով Ռոբերտ Քոչարյանի հայտարարությանը, որ աշնանը փողոցում կորոշվի իշխանափոխության հարցը, ընդդիմությունը կհամախմբվի, և չի բացառվում, որ ընդդիմության կենտրոններից մեկն էլ ինքն է լինելու, Ալեն Սիմոնյանն ասաց. «Ես ուրախ եմ, թող ինքը ընդդիմության կետրոնը լինի։ Իշխանափոխություն, իհարկե, չի լինի։ Ռոբերտ Քոչարյանը պետք է կողմնորոշվի՝ ինքը քաղաքականություն վերադարձե՞լ է, թե՞ ոչ։ Թող Ռոբերտ Քոչարյանը լինի ընդդիմությունը, բայց ես իրեն որպես ընդդիմություն չեմ տեսնում։ Ես տեսնում եմ տարբեր նոր մարդկանց»։

Մանրամասները՝ տեսանյութում:

Նարեկ Կիրակոսյան