02.09.2026 | 14:15
Ստամբուլի մոտ երկու նավ է բախվել․ անձնակազմի 10 անդամ անհետ կորած է․ ՏԵՍԱՆՅՈՒԹ
«Ենթադրում ենք՝ որոշակի հիվանդագին ուղղվածություն ունեցող ծիսակարգ է եղել»․ Գևորգ Ալթունյան. ՏԵՍԱՆՅՈՒԹ
Հասարակություն
01.08.2019 | 17:41
Ենթադրում ենք, որոշակի հիվանդագին ուղղվածություն ունեցող ծիսակարգ է եղել, որը դրսևորվել է նաև մի շարք այլ գերեզմանատներում։ Այս մասին Factor.am-ի հետ զրույցում նշեց Պաշտպանության նախարարության տեղեկատվության և հասարակայնության հետ կապերի վարչության պետ Գևորգ Ալթունյանը:
Նա կիսում է այն կարծիքը, թե սա որոշակի խմբավորման անդամների ձեռագիրն է։
«Այն, ինչ մենք ենթադրում ենք, որոշակի հիվանդագին ուղղվածություն ունեցող ծիսակարգ է եղել, որը դրսևորվել է նաև մի շարք այլ գերեզմանատներում։ Մարդիկ եկել են՝ պատրաստի տաքացված մոմով, կենտրոնական մուտքից չեն եկել, էս տարածքում ինչ-որ մի տեղից եկել են, տաքացված մոմը շաղ են տվել գերեզմանաքարերի վրա և հեռացել»,- ընդգծեց Գևորգ Ալթունյանը:
Նրա խոսքով՝ աշխատակիցներն ամբողջ գիշեր մաքրման աշխատանքներ են իրականացրել։ Ինքն ապշած է՝ նման բան պատկերացնել անգամ դժվարանում է։
«27 տարի նման դեպք չի եղել այստեղ։ Ցանկացած բանական մարդ ունի պատկերացում, որ Եռաբլուրն այն վայրն է, որտեղ նման դեպքեր չեն կարող լինել»,- ընդգծեց ՊՆ տեղեկատվության և հասարակայնության հետ կապերի վարչության պետը:
Ալթունյանը վսհահեցրեց, որ Եռաբլուրում հսկողությունը կուժեղացվի, որպեսզի ապագայում նման սրբապղծությունները բացառվեն։
Մանրամասները՝ տեսանյութում:
Նելլի Մելքոնյան
