ԵՐԵՎԱՆԻ ԺԱՄԱՆԱԿՈՎ. Մեր բոլոր նախագահները եկել ու զբաղվել են պոտենցիալ վտանգը՝ մտավորականությանը վերացնելով. Էդգար Բաղդասարյան

Լուրեր

22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
Բոլորը

«Հայաստանում քաղաքական, սոցիալական, մշակութային կամ որևէ այլ ոլորտում դիսկուրս չեք տեսնի, այլ միայն ավտորիտար որոշում, Թումանյանի թանգարանում բոլշևիկյան բռնաճնշումների հայ զոհերին նվիրված ցուցադրության փակումը դրա հետևանքն է։ Եթե կան տնօրենին սպառնացողներ, նշանակում է՝ հողը դրա համար նպաստավոր է, հակառակ դեպքում՝ այդ մարդիկ ձենները կկտրեին, կնստեին տեղները։ Հուսով եմ՝ ցուցադրության փակումը տենդենց չէ, այլ հիմարության հետևանք, հակառակ դեպքում ճամպրուկս պետք է հավաքեմ»,- նման կարծիք է հայտնում կինոռեժիսոր Էդգար Բաղդասարյանը՝ Factor.am-ի «Երևանի ժամանակով» զրուցաշարի շրջանակում։

Անդրադառնալով ցուցահանդեսի փակման հետ կապված  փոխնախարար Արև Սամուելյանի պարզաբանումներին, մեր զրուցակիցը նկատում է․ «Ինչ էր ասում՝ չհասկացա, դա չինովնիկի տեքստ էր, միանգամից երևում էր, որ մարդը չգիտեր՝ ինչ ասեր»։

Խոսելով իրադարձությունների այս ֆոնին մտավորականության դերի մասին, Է․ Բաղդասարյանը նշում է․ «Մենք չունենք մտավորականություն։ Մեր «մտավորականությունը» սպասում է, որ  ընտրությունից ընտրություն իրեն թանկ վաճառի, մի կոչման համար պատրաստ է Բաղրամյան 26-ի, Կառավարության շենքի աստիճանները փայլեցնել, այս մարդիկ մտավորական կոչվել չեն կարող։ Մենք մտավորականություն չունենք, որովհետեւ ամեն քաղաքական շերտ իր իշխանությունը պահելու համար ոչնչացնում է առողջ ծիլերը։ Մեր բոլոր նախագահները եկել են ու առաջինը դրանով են զբաղվել՝ պոտենցիալ վտանգը վերացնելով։ Իշխանության համար վտանգն այն է, որ հանկարծ որևէ մեկը աչք չդնի իրենց տեղի վրա, չուժեղանա»։

Կինոռեժիսորը անդրադառնում է նաև այն հանգամանքին, որ Կրթության և գիտության նախարարությունում որոշել են փոփոխել հայաստանյան հանրակրթական դպրոցներում իրականացվող ռուսաց լեզվի դասավանդման հայեցակարգը՝ առավելություններ վերապահելով այդ լեզվին։ Հարցին, թե արդյոք չկա վտանգ, որ սա ռուսական քաղաքականության ճնշման հետևանք կարող է լինել, Է․ Բաղդասարյանը պատասխանում է․ «Չեմ կարծում, որ ճնշմամբ կարելի է սովորեցնել այս կամ այն լեզուն, եթե անգամ ճնշումը կա, իսկ ճնշում չի կարող չլինել, որովհետև մենք փոքր պետություն ենք և քաղաքական, մշակութային առումով ֆակտոր չենք։ Դրանից կարելի է  խուսափել՝ կառուցելով արժանապատիվ պետություն։ Հակառակ դեպքում կդառնանք վասալ, ֆորտ պոստ, գուբերնիա»։

Մեր զրուցակիցը խոսել է նաև մշակութային ոլորտի խնդիրներից, մասնավորապես՝ «Կինեմատոգրաֆիայի մասին» ՀՀ օրենքի նախագծից, որը  կառավարության հաստատմանը կներկայացվի այս տարվա նոյեմբերին․ «20 տարի սպասել ենք այդ օրենքին, բայց ոչ այս տեսքով։ Դա լավ բիզնես ծրագիր է, բայց որևէ կերպ չի նպաստում ազգային կինոյի զարգացմանը։ «Կինոյի մասին» օրենքը կարելի է նվիրել Ադրբեջանին, որ իրենց էլ քայքայի։ Դուք կարող եք օրենքից հանել կինո բառը և փոխարինել նրբերշիկով, ու էլի ոչինչ չի փոխվի»,- ասում է նա։

 

Մանրամասները՝ տեսանյութում։

 

Աննա Բաբաջանյան