14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հուրգադա-Երևան չեղարկված թռիչքի պատասխանատուները պետք է պատասխանատվության ենթարկվեն․ Տիգրան Ավինյան. ՏԵՍԱՆՅՈՒԹ
Քաղաքականություն
01.08.2019 | 11:32
Կառավարության օգոստոսի 1-ի նիստի մեկնարկին նիստը վարող փոխվարչապետ Տիգրան Ավինյանն անդրադարձավ նախորդ շաբաթ Հուրգադա-Երևան թռիչքի հետ կապված խնդիրներին։
Ըստ փոխվարչապետի՝ բոլոր գերատեսչությունների հետ փոխկապակցված համագործակցության արդյունքում կարողացել են կազմակերպել Հուրգադայից Երևան երկու թռիչք։
Ավինյանը նշեց, որ թռիչքներն իրականացվել են «Տարոն Ավիա» ավիաընկերության օդանավերի միջոցով։
Փոխվարչապետը նաև նշեց, որ թեև պետությունը հրատապ քայլեր է ձեռնարկել մեր հայրենակիցներին Հայաստան տեղափոխելու համար, սակայն միևնույն ժամանակ պետք է նույնքան հրատապ քայլեր իրականացնի ստեղծված իրավիճակի պատասխանատուներին հայտնաբերելու և պատասխանատվության ենթարկելու համար։
Էկոնոմիկայի նախարար Տիգրան Խաչատրյանը խնդրի վերաբերյալ նկատեց, որ զբոսաշրջային օպերատորի գործունեության ուսումնասիրությունը ցույց է տալիս, որ որոշակի բացեր կան օրենսդրական դաշտում։
Ըստ նախարարի՝ այս բացը թույլ է տալիս զբոսաշրջային գործունեություն իրականացնողներին խուսափել քաղաքացիա-իրավական պարտականությունների կատարումից, ուստի նման խնդիրները բացառելու համար դիտարկում են ապահովագրության ներդրման համակարգը։
Հիշեցնենք, որ Հուրգադայից մեր քաղաքացիներին Երևան տեղափոխելու ծախսերը հոգացել է Կառավարությունը։
Մանրամասները՝ տեսանյութում։
Աղավնի Սուքիասյան
