01.02.2026 | 12:10
Հարկային էլեկտրոնային համակարգերը որոշակի ժամանակ հնարավոր է լինեն անհասանելի․ ՊԵԿ
«Ներկայացված փաստերը խեղաթյուրված են». Հակոբ Կարապետյանը՝ ՀՅԴ քաղաքային կոմիտեի արած պնդումների մասին. ՏԵՍԱՆՅՈՒԹ
Քաղաքականություն
31.07.2019 | 14:08
2019 թվականի քաղաքային բյուջեով նախատեսվել է վերելակների նորոգման ու սպասարկման համար 129 մլն 779 հազար դրամ՝ 2018 թվականի 96 մլն 228 հազար դրամի փոխարեն։
Այս մասին այսօր Երևանի քաղաքապետարանի դիմաց իրականացվող ցույցի ընթացքում լրագրողների հետ զրույցում նշեց Երևանի քաղաքապետարանի մամուլի քարտուղար Հակոբ Կարապետյանը։
Հակադարձելով ՀՅԴ Երևանի քաղաքային կոմիտեի ներկայացուցիչների այն պնդումներին, թե Երևանի քաղաքային իշխանությունները վերջին տասը ամիսներին չեն կատարել նախընտրական խոստումները, Հակոբ Կարապետյանը նշեց․ «Ներկայացված փաստերը խեղաթյուրված են և իրականությանը չեն համապատասխանում։ Միտք հնչեց, թե վերելակների հարցը լուծելու փոխարեն քաղաքապետարանը բյուջեն 71 մլն դրամով կրճատել է։ Իրականում միանգամայն հակառակն է․ 2019 թվականի քաղաքային բյուջեով վերելակների սպասարկման համար նախատեսված գումարը գերազանցում է 2018-ի բյուջեին։ Ինչ վերաբերում է վերելակները փոխելուն և նորոգելուն, քաղաքապետարանը ծրագիր է առաջարկել՝ հարցը համատիրությունների և բազմաբնակարան շենքերի բնակիչների հետ համատեղ լուծելու համար»։
Քաղաքապետարանի մամուլի քարտուղարը նաև Երևանի կանաչապատման խնդրից խոսեց՝ նշելով, որ կանաչապատման ենթակա են այն տարածքները, որտեղ ոռոգման համակարգ կա։
«Մասնավորապես՝ Սարալանջի տարածքի համար մրցույթ է հայտարարվել՝ ոռոգման համակարգ հիմնելու վերաբերյալ։ Կաթիլային ոռոգման համակարգի առկայության դեպքում, բնականաբար, ծառատունկ կլինի և մյուս տարվանից կունենանք մեր նախատեսածը»,- ասաց Հակոբ Կարապետյանը։
Մանրամասները՝ տեսանյութում:
Նելլի Մելքոնյան
