15.01.2026 | 14:00
ՌԴ-ն վտարում է Բրիտանիայի դեսպանատան աշխատակցի. նրան մեղադրում են բրիտանական հատուկ ծառայությունների համար գաղտնի աշխատելու մեջ
«Հարցը ոչ թե դելֆինի պահման պայմաններն են, այլ կենդանիների մասին օրենքում եղած բացերը»․ Նարե Արամյան. ՏԵՍԱՆՅՈՒԹ
Հասարակություն
30.07.2019 | 15:58
Կենդանիների պաշտպանության հարցում դաշտն այնքան բաց է, որ առկա նորմերն ավելի շատ խանգարում են որևէ կերպ վերահսկել իրավիճակը։ Պետք է հասկանանք՝ եղածով ինչ կարող ենք անել. այս մասին այսօր՝ ռուսաստանաբնակ հայ գործարարի կողմից Գյումրիում դելֆինարիում կառուցելու առնչությամբ հրավիրված ասուլիսի ընթացքում նշեց «Փրո Փոուզ» կենդանիների բարեկեցության ԲԿ-ի հայաստանյան ներկայացուցիչ Նարե Արամյանը։
«Հարցը ոչ թե դելֆինի պահման պայմաններն են, այլ կենդանիների մասին օրենքում եղած բացերը։ Դելֆիններին անազատ պայմաններում պահելու ենթակառուցվածք ստեղծելը ոչ միայն անթույլատրելի է, այլ նաև որևէ կերպ չի համապատասխանում ՀՀ կենդանական աշխարհի մասին օրենքին»,- նշեց Նարե Արամյանը։
Նրա խոսքով ՝ կենդանիների նկատմամբ պատասխանատու վերաբերմունքի մասին օրենքի վերամշակումները դանդաղ են ընթանում։
Նման խնդիրների մասին ոչ թե հասարակական կազմակերպությունները պետք է ահազանգեն, այլ տեսչական մարմնի պատասխանատուն պետք է անմիջապես արագ արձագանքի և անձամբ տեղեկացնի հասարակությանը։
«Կենդաների նկատմամբ պատասխանատու վերաբերմունքի կարևորագույն խնդիրը հանրային վերահսկողության իսպառ բացակայությունն է։ Բացի այդ, օրենքը նույնպես պետք է լրացվի, ներառի բոլոր կենդանատեսակները՝ առանձին բաժիններով»,- ընգծեց «Փրո Փոուզ» կենդանիների բարեկեցության ԲԿ-ի հայաստանյան ներկայացուցիչը։
Մանրամասները տեսանյութում:
Նելլի Մելքոնյան
