15.01.2026 | 12:08
ԵՄ-ն ողջունում է Ադրբեջանի կողմից հայ գերիների ազատ արձակումն ու Հայաստանին փոխանցումը
Անչափահասների հետ աշխատող ոստիկանները շարունակում են համագործակցել շահագրգիռ հասարակական կազմակերպությունների հետ
26.07.2019 | 21:30
«Ընտանիք և համայնք» բարեգործական կազմակերպության հետ համագործակցության շրջանակում, հուլիսի 25-ին, Մեծամորի համայնքային զարգացման կենտրոնում ոստիկանության ՔՀԳՎ 3-րդ վարչության, Արմավիրի, Վաղարշապատի, Բաղրամյանի և Մեծամորի բաժինների անչափահասների գործերով և ընտանիքում բռնության կանխարգելման ստորաբաժանումների ծառայողները հանդիպեցին շահագռգիռ հասարակական կազմակերպությունների ներկայացուցիչների հետ։ Այս մասին տեղեկացնում են ՀՀ ոստիկանությունից:
Հանդիպման նպատական էր իրավախախտումներ կատարած, հաշվառման մեջ գտնվող և ռիսկի խմբում հայտնված անչափահասների հետ տարվող կանխարգելիչ ու վերականգնողական աշխատանքները դարձնել առավել արդյունավետ՝ գործընթացին ապահովելով նաև հասարակական կազմակերպությունների ներգրավվածությունը։
Հանդիպում-քննարկամանը բացման խոսքով հանդես եկավ ոստիկանության ՔՀԳՎ 3-րդ վարչության պետ, ոստիկանության գնդապետ Նելլի Դուրյանը։
Քննարկվեցին 2019 թվականի ընթացքում ոստիկանության Արմավիրի և Մեծամորի բաժինների սպասարկման տարածքում իրավախախտումներ կատարած և հաշվառված անչափահասների վարքագիծը, կատարած արարքի էությունն ու այդ շրջանակում կատարվող ու կատարվելիք կանխարգելիչ միջոցառումների արդյունավետության բարձրացման հարցերը։
Որոշում կայացվեց շարունակել համագործակցությունը, ընդհանուր աշխատանքին ընդգրկել այլ շահագրգիռ կառույցներ և հաջորդ անգամ հանդիպել առավել ընդլայնված կազմով։
Ոստիկանները նաև շրջեցին համայնքային զարգացման կենտրոնի տարածքում, դիտեցին «Ընտանիք և համայնք» բարեգործական կազմակերպության շահառու անչափահասների պատրաստած տիկնիկային ներկայացումը և երեխաների հետ մասնակցեցին կավագործության դասընթացին։
