15.01.2026 | 10:05
Դավիթ Հարությունյանի գործով նիստը ԲԴԽ-ում՝ ՈՒՂԻՂ
Այսօրվա իշխանությունը պարգևատրում է նրանց, ովքեր «Հաց բերողի» դահիճներն են եղել. Վարուժան Ավետիսյան. ՏԵՍԱՆՅՈՒԹ
Քաղաքականություն
26.07.2019 | 20:09
Արթուր Սարգսյանին բանտարկեցին ուղղակի վրեժխնդրությունից դրդված։ Հասկանալով, որ նրա մարդկային արարքից հարված են ստացել՝ լինելով անմարդկային հակազգային համակարգ, վրեժ լուծեցին։ Այս մասին այսօր «Հաց բերող» Արթուր Սարգսյանի հիշատակին նվիրված ակցիայի ընթացքում նշեց «Սասնա Ծռեր» կուսակցության առաջնորդ Վարուժան Ավետիսյանը։
«Այդ գործողությանը մասնակցեցին նաև այն ժամանակվա պաշտոնյաներ, որոնք այսօր էլ պաշտոններ են զբաղեցնում։ Այսօրվա իշխանությունն արտաքուստ խոնարհվում է Արթուրի հերոսականության առաջ, սակայն մատը մատին չի տալիս և պարգևատրում է այն մարդկանց, որոնք Արթուրի դահիճներն են եղել։ Ցավալի և պարադոքսալ վիճակ է, բայց համոզված ենք, որ դա նույնպես հաղթահարվելու է։ Այս անցման մեջ ճարպիկ կամ հաջողակ լինելուց անկախ՝ բոլորը պատասխան են տալու»,- նշեց Վարուժան Ավետիսյանը։
Նրա խոսքով՝ Արթուր Սարգսյանի հայրենասիրությամբ, քաղաքացիականությամբ ու մարդասիրությամբ սերունդներ պետք է դաստիարակվեն։
«Արթուրը ցնցեց բոլորիս, մեր հոգու ժանգը մաքրեց ու դրա տակից հանեց մարդուն, քաղաքացուն։ Այն, ինչ նա արեց, ռացիոնալ դատողության տեսակետից անհնար էր, անհաշվարկելի»,- մեզ հետ զրույցում ասաց Վարուժան Ավետիսյանը։
Մանրամասները՝ տեսանյութում:
Նելլի Մելքոնյան
