05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Հաղարծին գյուղի բնակիչները շուրջ 4 ժամ փակել են Իջևան-Երևան միջպետական ճանապարհը (լուսանկարներ, տեսանյութ)
Հասարակություն
17.09.2017 | 23:16
Հաղարծին գյուղի բնակիչները շուրջ 4 ժամ փակել են Իջևան-Երևան միջպետական ճանապարհը, ինչի հետևանքով մի քանի տասնյակ ավտոմեքենաներ խցանման մեջ էին հայտնվել: Ինչպես տեղից հայտնում է factor.am-ի թղթակիցը, ակցիայի մասնակիցները դժգոհում են քանի որ իրենց թույլ չեն տալիս անտառից վառելափայտ տեղափոխել:
Բնակիչների խոսքով, սակայն, վառելափայտի վաճառքը գյուղի բնակիչների միակ ապրուստն է: Ակցիայի մասնակիցների խոսքով՝ մեկ խորանարդ մետր ցախը վաճառելու համար 10800 դրամ տուրք են վճարում, կառավարությունը խոստացել է այն դարձնել 5400 դրամ, սակայն դա չի արվել, ավելին՝ երկու օր է արգելված է ցախ տեղափոխել:
Տեղեկացնենք, ու դեպքի վայրում էր փոխոստիկանապետ Սամվել Հովհաննիսյանը, որն էլ բանակցություններ էր անցկացնում գյուղացիների հետ: Փոխոստիկանապետը խնդրում էր բացել ավտոճանապարհը, որպեսզի խցանման մեջ հայտնված ավտոմեքենաները կարողանան շարունակել ճանապարհը, իսկ իրենց խնդրով ոչ աշխատանքային օրերից հետո կզբաղվեն համապատասխան մարմինները:
Այժմ ավտոճանապարհը բաց է:
Սեդա Ղուկասյան
