23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Պետության զավթմանը պետք է գնահատական տրվի ԱԺ-ի մակարդակով. Սոնա Այվազյան. ՏԵՍԱՆՅՈՒԹ
Հասարակություն
26.07.2019 | 12:13
Հակակոռուպցիոն ռազմավարության նախագծի նախորդ տարբերակից հետո կատարված աշխատանքների արդյունքում, հանրային քննարկումներից և հանրային դիտարկումներից հետո, նախագիծը լրջորեն վերանայվել է և առաջարկությունների մեծ մասը հաշվի է առնվել: «Հակակոռուպցիոն ռազմավարության 2019-2022 թթ. նախագիծ. գնահատականներ և մտահոգություններ» քննարկման ժամանակ նման կարծիք հայտնեց Թրանսփարենսի Ինթերնեյշնլ հակակոռուպցիոն կենտրոնի գործադիր տնօրեն Սոնա Այվազյանը:
«Հուսով ենք՝ նույն մոտեցումը կլինի նաև այս փուլում: Իհարկե՝ որքան շատ ենք աշխատոում փաստաթղթի վրա, այնքան ավելի շատ է կարիք զգացվում այն կատարելության հասցնելու: Կատարյալ փաստաթղթեր չեն լինում, բայց, ամեն դեպքում, փորձում ենք հատկապես հետհեղափոխական Հայաստանի ակնկալիքները բավարարելու նպատակով հնարավորինս համապարփակ մոտեցում ունենալ այս ռազմավարական փաստաթղթում, որովհետև ակնկալիքները նոր կառավարությունից շատ մեծ են»,- հավելեց նա:
Սոնա Այվազյանը ներկայացրեց մի քանի շեշտադրումներ, որոնց, իր կարծիքով, Հակակոռուպցիոն ռազմավարությունն անպայման պետք է անդրադառնա: Առաջինը, ըստ նրա, «պետության զավթում» երևույթի ճանաչումն է:
««Պետության զավթումը» զուտ բառեր չեն, այն միջազգային մակարդակով ճանաչված եզրույթ է, կոռուպցիայի տարատեսակ, երբ պետության բոլոր գործիքները, ռեսուրսներն ի սպաս են դրվում առանձին քաղաքական խմբի շահերին: Եվ դա այն է, ինչ տեղի է ունեցել Հայաստանում: Մենք կարծում ենք՝ շատ կարևոր է, որպեսզի այդ երևույթը ճանաչվի: Ոչ թե ասվի, որ Հայաստանում եղել է կոռուպցիա կամ այն կրել է համատարած, համակարգային բնույթ, այլ նշվի, որ եղել է պետության զավթում»,- ասաց Թրանսփարենսի Ինթերնեյշնլ հակակոռուպցիոն կենտրոնի գործադիր տնօրենը:
Նա կարծում է, որ պետության զավթման գնահատականը պետք է տրվի Ազգային ժողովի մակարդակով:
Մանրամասները՝ տեսանյութում:
