09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Սոցապծառայության ղեկավարը նոր տեղակալ ունի
Քաղաքականություն
25.07.2019 | 20:13
Աշխատանքի և սոցիալական հարցերի նախարարության Սոցիալական ապոհովության ծառայության ղեկավարի նոր տեղակալ է նշանակվել Արամ Պետրոսյանը: Տեղեկությունը Factor.am-ին փոխանցեցին սոցապծառայությունից:
«ՀՀ աշխատանքի և սոցիալական հարցերի նախարարի հրամանով՝ 2019 թվականի հուլիսի 25-ից Արամ Պետրոսյանը նշանակվել է Սոցիալական ապահովության ծառայության պետի տեղակալ»,- տեղեկացրեցին կառույցի լրատվական ծառայությունից:
Աշխատանքի և սոցիալալական հարցերի նախարարության պաշտոնական կայքի համաձայն՝ Արամ Պետրոսյանը մինչ այս նշանակումը զբաղեցրել է նախարարության Իրավական ապահովման բաժնի պետի պաշտոնը:
Հիշեցնենք, որ մի քանի ամիս է՝ Սոցիալական ապահովության ծառայությունը աղմուկի կենտրոնում էր: Լարված իրավիճակ էր ստեղծվել ծառայության պետ Սուրեն Ղամբարյանի, արդեն նախկին տեղակալ Արսեն Օհանյանի և գլխավոր քարտուղար Վանիկ Բաբաջանյանի միջև: Արդյունքում Արսեն Օհանյանն ազատվեց աշխատանքից:
Աշխատակիցները ֆեյսբուքում գրառումներ էին կատարում՝ տեղեկացնելով, որ Սուրեն Ղամբարյանն անառողջ մթնոլորտ է ստեղծել կառույցում: Վերջինս թեմային անդրադառնալ չի ցանկանում:
Նարեկ Կիրակոսյան
