02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
SOCAR Georgia-ն Վրաստանում նոր գազատար է գնել
Քաղաքականություն
25.07.2019 | 16:27
Socar Georgia ՍՊԸ-ն 24 միլիոն 177 հազար 326 լարիի պետական սեփականություն հանդիսացող գույք է ձեռք բերել: Խոսքը գազատարների մասին է: Կառավարությունը գույքը փոխանցել է ուղղակի վաճառքի կարգով: Համապատասխան հրամանագիրը ստորագրել է վարչապետ Մամուկա Բախտաձեն. գրում է aliq.ge-ն:
«Պետական գույքի մասին Վրաստանի օրենքի 18-րդ հոդվածի 3-րդ կետի համապատասխան, պետական սեփականություն հանդիսացող անշարժ գույքը, ուղղակի վաճառքի կարգով, 24 միլիոն 177 հազար 326 լարիով տրվում է «Սոկար Ջորջիա Գազ» ՍՊԸ-ին: Վրաստանի էկոնոմիկայի և կայուն զարգացման նախարարության համակարգի մաս կազմող պետական գույքի ազգային գործակալությունը, սույն հրամանագիրն իրականություն դարձնելու նպատակով, պետք է ապահովի օրենքից բխող համապատասխան միջոցառումների անցկացումը»,- ասված է հայտարարության մեջ:
SOCAR-ի կողմից ձեռք բերված գույքը գտնվում է Վրաստանի գրեթե ամբողջ տարածքով մեկ՝ առավելապես Զեստաֆոնիում, Կասպիում և Լանչխութիում:
Սույն գումարը պետք է պետությանը տրվի 18 տարվա ընթացքում:
